WALA palang kamalay-malay ang female personality na ito na pinagtataguan siya ng mga inihahandang pagkain sa mga okasyong imbitado siya.
Bakit ‘ika n’yo? May gali kasi ang hitad na mag-take home ng mga lafang na buong ningning na nakabalandra sa buffet table nang ‘di alintana ang mga marami pang bisitang darating.
Kuwento ito mismo ng isa sa mga kusinera na pinagbilinan ng party host.
“Maaga kasing dumarating ‘yung female personality, at maaga ring umaalis, Allergic kasi siya sa sobrang traffic, bukod sa hate na hate niyang inaabot ng gabi sa labas,” sey ng aming source.
Ang siste, ihahain muna ang mga pagkaing mabigat sa tiyan para ‘yun ang lantakan ng hitad. At kapag gumora na siya ay at saka ihahain ang mga masasarap na putahe.
Eh, ‘di napigilan nga naman siyang manlimas ng pagkain! Bagama’t ilang beses na raw itong nangyayari ay hindi pa raw nakahahalata ang female personality na itago na lang natin sa alyas na Letty Solomon. (R. Carrasco III)
