TODAS ang isang 29-anyos lalaki nang pagbabarilin ng dalawang ‘di kilalang suspek sa loob ng bahay ng isa sa mga suspek sa Tondo, Maynila
Kinilala ang biktima na si Macklin Martinez, walang trabaho, residente sa Randy Sy compound sa Pacheco St., Tondo, Maynila dahil sa tama ng bala sa katawan.
Naaresto sa follow-up operation ang mga suspek na sina Leo Cabangis, binata, residente sa Velasquez St., Tondo; Renato Mendez, Jr., at isang kinilala sa alyas Enot.
Sa ulat ng Manila Police District (MPD), dakong 8:00 pm kamakalawa nang mnaganap ang insidente sa loob ng bahay ng suspek na si Cabangis sa Velasquez St., Brgy 74, Tondo.
Ayon sa saksi na si Milagros Panganiban, bago naganap ang pagpatay ay nakitang bisita ng suspek na si Cabangis ang biktima at ilang minuto ay pumasok ang dalawa pang suspek.
Ilang sandali pa ang nakalipas, nakarinig ng sunod-sunod na putok ng baril hanggang nakitang papatakas ang mga suspek.
Inaalam ang motibo sa pagpatay.
