Thursday , August 18 2022

“Polio” sinipa ng Taguig City sa kanilang libreng supplemental oral polio vaccination

UMARANGKADA na ang Taguig City sa kanilang libreng supplemental oral polio vaccination.

Ang ultimong layunin niyan, ‘sipain’ at i-knockout ang polio sa kanilang siyudad pero ang naging resulta sila ang may pinakamataas na puntos sa National Capitol Region (NCR). 

‘Yun nga, nanguna ang Taguig sa local government units sa NCR sa pagpapatupad ng “Sabayang Patak kontra Polio” (SPV) campaign ng Department of Health (DOH).

Sa ika-11 araw ng 14-day program, nakakuha ang Taguig ng rating na 102 percent at nasungkit ang pinakamataas na puntos sa mga siyudad at munisipalidad sa NCR. 

Umabot sa 96,866 residente ang nabakunahan sa Taguig.

Ang resulta ay dumaan sa validation ng grupo mula sa DOH at World Health Organization, na nagsagawa ng Rapid Coverage Assessment.

Kasunod ng pag-anunsiyo ng polio outbreak sa bansa noong 19 Setyembre, ang City of Taguig ay agarang pinalakas ang kampanya kontra sa nasabing sakit sa pamamagitan ng pagbabakuna sa barangay health centers at house-to-house visits.

Nakalinya ito sa DOH Memorandum No. 2019-0318 na nananawagan sa pagpapatupad sa NCR ng nasabing SPV campaign mula Oct. 14-27 at Nov. 25-Dec. 7.

Sa ilalim ng programa, ang mga kabataan na may edad 0-59 buwan ay binibigyan ng oral poliomyelitis (polio) vaccination upang matulungan ang kanilang pangangatawan na labanan ang virus na maaaring magdulot ng habang buhay na paralysis (sa mga paa at binti at mga muscle na kumokontrol sa organs sa ating paghinga) na puwedeng mauwi sa kamatayan.

Matapos ang pagkilala, agad nagpahayag ng kagalakan si DOH Health Policy and Systems Development Undersecretary Mario Villaverde sa probinsiyudad sa epektibong pagpapatupad ng anti-polio drive.

Bilang sagot sa pagkilala, saad ni Taguig City National Immunization Program Coordinator Dr. Jennifer Lou Lorico-De Guzman na ang puntos ay patunay na mas malawak ang proteksiyon na ibinigay ng lungsod sa mga residente laban sa polio virus.

Upang makuha ang malawak na coverage, pinalakas ng Taguig City ang working force sa pamamagitan ng pagsagawa ng reorientation sa mga Barangay Health Workers (BHW) at City Health Personnel kung paano isagawa nang maayos ang pagbakuna at pag-handle ng polio vaccine vials.

“Hindi lamang mga doktor, maging ang ating BHWs ay nagsagawa ng voluntary work kada weekends upang maayos ang pagbigay at mas malawak ang masakop ng target kada araw,” ayon kay Dr. De Guzman.

Dagdag niya, ang collaborative effort sa medical practitioners mula pribadong hospitals kagaya ng St. Luke’s Medical Center-Global City, Medical Center Taguig at Cruz-Rabe Hospital ay naging epektibong estratehiya.

Wika ni De Guzman, bukod sa layuning mas malawak na accomplishment coverage, ang City Health Office, sa pamamagitan ng City Epidemiology and Surveillance Unit (CESU) at ang hospital disease surveillance network, ay patuloy na nagmo-monitor ng mga kaso ng acute flaccid paralysis (AFP) gamit ang AFP surveillance system, isang mabisang estratehiya sa pagsawata ng polio.

Ang Taguig health office ay patuloy na nagbibigay ng libreng routine vaccines kasama ang Hepatitis B, BCG (Bacillus Calmette–Guérin), DPT (Diptheria, Tetanus Toxoids and Pertussis), Hib (Haemophilus Influenzae Type B ), Pentavalent vaccine o ang 5-in-1 vaccine at Polio Vaccine sa mga Barangay Health at Super Health Centers.

Noong November 2018, ang Taguig ay nagsimulang magbigay ng human papilloma virus vaccines sa mga babaeng estudyante na may edad 9-14. Ang mga bakunang ito ay upang mabigyan proteksiyon ang mga babaeng estudyante laban sa cervical cancer.

Ang iba pang school-based immunization programs ay para rin sa Measles Rubella (MR) at Tetanus Diptheria (Td) na ibinibigay sa mga Grade 1 at 7 na estudyante.

Ang Pneumococcal vaccines ay ibinibigay din sa mga Taguigeño na senior citizens.

O may hahanapin pa ba tayo sa Taguig?!

Pati bakuna kompleto!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Sir Jerry Yap JSY Ed de Leon

Sa unang Pasko na wala siya
JSY HINDI NAKALIMOT SA MGA EMPLEYADO

ni ED de LEON AYOKONG isipin na wala na si Boss Jerry. Ang laging nasa …

Sir Jerry Yap JSY Nino Aclan

JSY, the best boss that i’ve ever met

ni Niño Aclan SIR JSY is the “Best Boss” that I’ve ever meet. Ganito ko …

Sir Jerry Yap JSY Bong Son

Totoong tao, tunay na kaibigan, best boss ever

ni BONG SON TUNAY na ako’y napahanga sa ipinakitang pagmamahal ng publisher ng HATAW Diyaryo …

Sir Jerry Yap JSY Ms M

Forever grateful kay JSY

ni Maricris Valdez-Nicasio COOL boss. Ganito ko sabihin at ilarawan ang aming publisher na si …

Sir Jerry Yap JSY Rose Novenario

Matatag, maaasahan, may paninindigan
PINAKAMATAAS NA PAGSALUDO SA IYO, SIR JERRY!

ni ROSE NOVENARIO KUNG ilalarawan ko ang pagkatao ni Jerry Sia Yap bilang employer at …

Leave a Reply