Saturday , May 18 2024
Bulabugin ni Jerry Yap
Bulabugin ni Jerry Yap

Anti-Red Tape Authority (ARTA) Director General Jeremiah Belgica seryoso laban sa ahensiyang tiwali

AYON kay Anti-Red Tape Authority (ARTA) Director General Jeremiah Belgica, gagawin nila ang pagsasampa ng kaso sa mga opisyal at kawani ng pamahalaan na dawit sa red tape, linggo-linggo.

Napakainam na pahayag ‘yan DG Belgica. Parang kumukuti-kutitap na pag-asa ‘yan sa sambayanang Filipino.

Mayroon lang pong suhestiyon ang mga kabulabog natin na unahin ninyong sampolan dahil hanggang sa kasalukuyan ay talagang masasabi nating usad ang paggalaw ng papeles sa mga ahensiyang ating babanggitin.

Una po, ang Land Transportation Franchising Regulatory Board (LTFRB). Puwede po bang pakibusisi ang kanilang hepe na si Atty. Martin Delgra III kung bakit hanggang ngayon ay santambak at pagkahaba-haba ng pila sa ahensiyang ‘yan?!

Santambak na nga at pagkahaba-haba pa ng pila, pabalik-balik pa ang mga kababayan natin na nag-aayos ng kanilang mga papeles para sa kanilang mga sasakyan  gaya ng PUV, PUB at private car for TNVS na inaasahan nilang makatutulongs a kanilang kabuhayan.

Hindi naman lingid kay Delgra na ang mga sasakyang ‘yan ay ginagamit sa paghanapbuhay ng mga operator at inaasahan nilang makatutu­long sa kanilang pamilya.

Pero dahil sa makupad na pag-aaproba ng LTFRB sa kanilang mga transaksiyon, labis-labis na pagkabalam at kahirapan ang kanilang nararanasan.

DG Belgica, pakiusap lang po, unahin na ninyo si Delgra!

Ang Food and Drugs Administration (FDA) na wala yatang ginawa kundi pahirapan ang ating inventors at scientists na nakatutulong sa kalusugan ng mahihirap nating kababayan.

Napatalsik na ang dating director nito na malakas mangikil pero hanggang ngayon, pahirap pa rin sila sa ating mga kababayang imbentor at scientists.

Sampolan na rin ‘yan!

Ang Land Registration Administration (LRA) na kahit hindi pa nasusunog ‘yan ‘e talagang makupad nang magproseso ng mga dokumento. Pero kapag land grabber mabilis pa sa alas-kuwatro kung kanilang serbisyohan.

Isunod na rin ninyo ‘yan DG Belgica.

Kapag nasampolan na ninyo ‘yang LTFRB, FDA at LRA, malamang madali na ‘yung mga susunod pa.

Go go go Anti-Red Tape Authority (ARTA) Director General Jeremiah Belgica!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Sipat Mat Vicencio

Tiyak na sibak si Sen. Bato sa eleksiyon

SIPATni Mat Vicencio NAGKAKAMALI si Sen. Ronald “Bato” dela Rosa kung inaakalang manananalo pa siya …

YANIG ni Bong Ramos

Total ban sa sigarilyo, vape atbp nakapipinsalang produkto iminungkahi

YANIGni Bong Ramos IMINUNGKAHI kamakailan ng magkapatid na Senador Pia Cayetano at Senador Alan Peter …

Dragon Lady Amor Virata

Korek na korek Senador Bong Go

Isumbong mokay DRAGON LADYni Amor Virata KAMAKAILAN sa Senado, tinalakay ni Senator Bong Go ang …

YANIG ni Bong Ramos

Umarangkada na
Mga kandidato para sa 2025 local & national elections maagang sinimulan pang-uuto sa publiko

YANIGni Bong Ramos BAGAMA’T isang taon pa ang nakatakdang local & national elections, maagang sinimulan …

FIRING LINE ni Robert B. Roque, Jr.

Ang paliit nang paliit na mundo ni Quiboloy

FIRING LINEni Robert B. Roque, Jr. HINDI ko alam kung alin-alin sa mga nagiging desisyon …

Leave a Reply

Your email address will not be published. Required fields are marked *