Monday , August 8 2022
Bulabugin ni Jerry Yap
Bulabugin ni Jerry Yap

May kaanak sa gobyerno dapat bawal sa party-list

HETO ang matagal na nating hinihintay.

Ang tuluyang ipagbawal ang pagtakbo bilang party-list representative ng mga may kamag-anak nang nakaupo sa gobyerno gaya ng alkalde, regular congressman, at senador.

Sa panukala nga ni Senator Leila de Lima, pati kamag-anak ng presidente at bise presidente ay dapat ipagbawal sa party-list.

Lumalabas kasi na ang party-list system ay naging instrument para pagtibayin ang political dynasty sa mga bayan at lungsod.

Hindi ba’t mayroong pamilya na may senador, congressman, mayor, tapos may party-list representative pa?!

Wattafak!

‘Yung buong political dynasty ay buong-buong na sa isang bayan o lungsod bigla pang naka­tata­wid sa kabilang bayan through inter-marriages.

Anak naman talaga ng sandamakmak na political dynasty na ‘yan, oo!

Bukod diyan, nais din ni Comelec Commis­sioner Rowena Guanzon, na magpasa ng kanilang statement of assets, liabilities and net worth (SALN) ang mga party-list nominees kasi nga kung hindi sila ginagastusan ng mga negosyante, e sila mismo ang mga negosyante.

Kapag nakapuwesto na, magugulat na lang tayo, sila na ang may-ari ng water companies, malalaking subdibisyon, malalaking buildings, malalaking transportasyon, malalaking malls — kulang na lang pati hangin ariin na ng mga hidhid.

Talagang wala silang pagtingin sa mahihirap kasi nga ultimo ‘yung party-list system na para sa marginalized sector, sabi nga ni Commissioner Guanzo ay na-bastardized na ng mga politiko.

Asus!

Ano nga ang sabi ng constituents? May bulsanueva na, may pakyawan pa.

Tapos makaririnig ng bagong apelyido sa mga kandidato, kamukat-mukat natin ‘e, nag-asawa lang pala kaya naiba ang apelyido.

Hoy mga trapo, moderate your greed naman!

 

Bawal nang magmisa
FERNANDO SUAREZ
BAN SA MINDANAO?

HINAHABOL ng kontrobersiya si Fr. Fernando Suarez.

Si Fr. Suarez ang pari na kilala sa kanyang healing ministry.

Pinakahuling kontrobersiya na kanyang kinasangkutan ang pagsasauli ng lupang donasyon ng San Miguel Corporation (SMC) sa  Alfonso, Cavite, dahil hindi naitayo ang rebultong Monte Maria sa takdang panahon.

Ito ay sa ilalim ng Mary Mother of the Poor Foundation (MMPF) na pinamumunuan ni Suarez.

Kamakailan, pinagbawalan siya ng Catholic Bishops Conference of the Philippines (CBCP) sa Mindanao na makapagsagawa ng misa (healing mass) at pinahihingi muna ng “celebret” sa Obispong nakasasakop sa kanya bago makapagsagawa ng misa at healing mass na naaayon sa batas ng simbahan.

Hindi natin maikakaila na maraming naniniwala kay Fr. Suarez na siya ay naka­gagaling. Pero lagi’t lagi na siya’y nasasabit sa kontrobersiya kaugnay ng mga proyekto at pondo ng mga organisasyon na kabilang siya sa instrumento kaya naitatayo.

Panahon na para maglabas ng opisyal na pahayag ang CBCP kaugnay ng mga kontro­bersiyang kanyang kinasasangkutan. Nang sa gayon ay maging malinaw para sa lahat lalo sa mga naniniwala sa kanya.

Kung hindi naman ito totoo, dapat sigurong suportahan ng simbahang Katolika si Fr. Suarez. Nang sa gayon ay maitaguyod naman ang biyayang ipinagkaloob sa kanya — gaya ng kakayahang makapagpagaling.

Sa totoo lang, simbahan lang din ang maka­pagsasabi kung ano ba ang katatayuan ni Fr. Suarez sa kasalukuyan.

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Sipat Mat Vicencio

Mga sama ng loob ni Imee

SIPATni Mat Vicencio KUNG meron mang pinakamalungkot na nilalang sa balat ng lupa ngayon, walang …

Sipat Mat Vicencio

Poe nagulat sa pagkambiyo ni Bongbong sa DDR

SIPATni Mat Vicencio NABUHAYAN ng loob ang maraming senador kabilang na si Senator Grace Poe, …

Krystall Herbal Oil

Manugang mabilis na nanganak dahil sa Krystall Herbal Oil

Back to BasicNATURE’S HEALINGni Fely Guy Ong Dear Sis Fely Guy Ong,                Ako po …

Dragon Lady Amor Virata

Walang paradahan, hindi puwedeng bumili ng sasakyan

Isumbong mokay DRAGON LADYni Amor Virata MAGING epektibo kaya ang inihaing panukala ni dating speaker …

Sipat Mat Vicencio

Tibay ni Carding

SIPATni Mat Vicencio SA GITNA ng nagsasalimbayang unos at maladelubyong sitwasyon sa loob ng Malacañang, …

Leave a Reply