TATLONG hinihinalang sangkot sa ilegal na droga ang naaresto sa ikinasang buy bust operation ng mga pulis sa Valenzuela City.
Kinilala ni Valenzuela Police Station Drug Enforcement Unit (SDEU) head P/Capt. Segundino Bulan, Jr., ang mga suspek na sina Mark Anthony Bitao, Nelson Reyes, at Roderick Momay.
Sa ulat ni SDEU chief P/SSgt. Julius Congson kay Valenzuela police chief P/Col. Carlito Gaces, isinagawa ng mga operatiba ang buy bust operation laban sa mga suspek sa harap ng Corinthian School na matatagpuan sa Brgy, Gen. T. De Leon ng nasabing lungsod dakong 11:30 pm.
Matapos iabot ng mga suspek ang isang sachet ng shabu sa isang pulis na nagpanggap na poseur-buyer kapalit ng P200 marked money ay agad sumugod ang back-up na mga operatiba saka dinamba ang tatlo.
Nakuha sa mga suspek ang ilan pang plastic sachet ng hinihinalang shabu, buy bust money, P400 cash, isang Winston cigarette pack, cellphone at isang walang laman na transparent plastic sachet. (ROMMEL SALES)
