Friday , March 29 2024

New show ni actor, ‘di naka-arangkada kahit kabi-kabila ang promo

PUSH pa more. Need pang i-promote nang husto,” ito ang seryosong sabi sa amin ng TV executive tungkol sa bagong programa ng TV network na konektado siya.

Kaliwa’t kanan ang promo ng nasabing programa na pinagbibidahan ng aktor at sa katunayan, laman siya sa lahat ng social media, print media, at Youtube channel ng bloggers na naka-interview sa kanya.

At dahil malakas at maganda ang resulta ng promo ng nasabing programa ay nag-expect ang pamunuan ng TV network na mataas ang ratings nito, pero nagulat sila dahil hindi man lang umabot sa kalahati sa katapat nitong programa.

“Oo nga, ang daming nagulat. Pero okay lang ‘yun, kasisimula pa lang naman, marami pang pasabog ang show, tiyak na aabangan ‘yan,” ito ang mensahe sa amin ng TV executive.

Pawang malalaki at mahuhusay na artista ang kasama sa programa kaya naniniwala ang lahat na aarangkada ito sa ratings game.

Tinanong kami ng TV executive kung napapanood namin ang programa at mabilis ang sagot naming ‘hindi!’ Dahil marami kaming dinadaluhang events. At saka parang hindi naman kami ang tamang taong dapat tanungin tungkol sa show.’

Natawa ang TV executive, “ay oo nga pala!  Bakit nga ba kita kinukuwentuhan, ha, ha, ha, ha.”

‘Eh, kasi magkaibigan tayo,’ ito ang mabilis naming sagot.

Anyway, inamin din sa amin na mataas ang expectations ng buong network sa programa nila dahil pakiwari nila ay ito ang makapagpapataob sa katapat nilang show sa kabilang network.

Well, abangan ang mga susunod na mangyayari.

(Reggee Bonoan)

About Reggee Bonoan

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *