Ai Ai, pinaghahandaan na, tatakbong VM ng Bulacan

NOON pa namin naulinigan na may planong sumabak sa local politics si Ai Ai de las Alas. Nais niyang sungkitin ang isang elective post in her native town in Batangas.

Kaya nga rin pinlano niyang kumuha noon ng crash course in public administration para hindi siya mangapa sa mundong gustong pasukin.

Nitong kaarawan ni Mama Mary (September 8) ay nag-alay ng pamisa si Ai Ai na taon-taon naman niyang ginagawa. As usual, inimbitahan niya ang ilang barkada mula pa sa kolehiyo.

Hindi katulad ng mga nagdaang taon when Ai Ai would spend longer hours with friends ay nagmamadali raw ito.

Guess kung saan pa ang lakad niya that day? Aniya, deadline ng filing ng COC (certificate of candidacy) para sa lokal na puwesto in preparation for the May 2022 elections.

Ang source ng inyong lingkod ay common friend namin ng komedyana who told us na sa Bulacan tatakbo ni Ai Ai bilang vice mayor.

Agad naming sinagot ‘yon. Paanong Bulacan, samantalang Ai Ai traces her roots to Batangas? At sinong taga-Batangas? Hindi naman ang mister niyang si Gerald Sibayan dahil ang alam nami’y taga-Nueva Ecija naman ito.

At COC filing na ba, eh, nitong Mayo lang ang huling halalan?

Or was Ai Ai just living to her public image na mapagpatawa?

Samantala, inside job ang nangyaring panloloob sa kanyang bahay days before that. Nakuha ang kanyang LV bag plus isang signature wallet, na ang suspek ay kamag-anak ng kasamabahay niyang pinaalis.

HOT, AW!
ni Ronnie Carrasco III