Wednesday , July 6 2022
Bulabugin ni Jerry Yap
Bulabugin ni Jerry Yap

12-anyos gustong ipakulong pusakal na rapist at mamamatay tao gustong palayain

KAILAN lang ay naging mainit na isyu ang pagpapababa ng criminal liability ng mga kabataan sa 9-anyos mula sa dating 15-anyos.

Para raw matakot ang mga magulang ng mga menor de edad na bata  at ‘yung mga bata mismo ay hindi magpagamit sa sindikato ng droga.

Marami rin ang nagagalit sa mga ‘batang-hamog’ na kumalat sa social media ang pananakit sa isang matanda at sa mga pasahero ng jeepney na kanilang inaakyat.

Kaya marami sa ating mga kababayan ang medyo nakombinsi na ibaba na nga ang edad ng criminal liability.

Pero siyempre, nagsalita ang Pangulong Duterte, grabe naman daw ‘yung 9-anyos, kaya ginawang 12-anyos.

Arayku!

Hanggang ngayon, maraming online petitions na tumututol na pababain ang edad ng criminal liability kasi hindi naman talaga deterrent ‘yun para mailayo sa masamang gawain ang mga kabataan.

Kailangan talaga riyan ng komprehensibong programa na pagtutulungan ng pamilya, ahensiya o institusyon ng gobyerno na nakatutok dapat sa mga kabataan.

Medyo natigil ang init ng isyu sa pagpapakulong ng mga batang 12-anyos. Kumbaga, pumayapa sandali…

E biglang pumutok ang isyu ng pagpapalaya kay Calauan Mayor Antonio Sanchez, hayun nabuhay na naman ang isyu ng mga kabataang natokhang sa ngalan ng drug war at ng mga batang maagang nawawalay sa piling ng magulang na palaboy na sa kalsada bitbit ang plastic na may lamang rugby.

Kaya nga ang naging opinyon, bakit ‘yung mga batang kung tutuusin ay ‘napabayaan ng lipunan’ gustong ipakulong pero ang pusakal na rapist-slayer ay gustong gawaran ng parole?!

Mantakin nga naman ninyo, 7 counts ng rape-slay na reclusion perpetua, tapos 26 years pa lang na­ku­kulong e bibig­yan na ng parole?!

Alam ba nin­yong ang isang reclusion per­petua ay katum­bas ng 40 taon pagkakakulong?

Ang rason pa ng pagpapalaya, in good behaviour na raw si Sanchez?

Wattafak!

Kailan pa?

E hindi ba’t nakuhaan pa ng droga ‘yan at gina­mit pa ang ima­hen ng Birheng Maria?!

Bukod diyan, super VIP pa sa Bilibid ‘yan. E bakit gusto pang makalaya?!

Tsk tsk tsk…

BuCor chief Nick Faeldon Sir, huwag na huwag kayong papayag na makalaya ‘yan si Sanchez nang hindi napag­sisil­bihan nang tama ang kanyang ka­sa­lanan.

Saka puwede ba, ‘durugin’ na ninyo ang style VIP diyan sa Bilibid?!

Sabi nga ng netizens… “In good behaviour si Sanchez? Tell it to the Marines!”

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

FIRING LINE ni Robert B. Roque, Jr.

RIP, Nonoy Andaya

FIRING LINEni Robert B. Roque, Jr. ITINAKDA ngayong araw ang inurnment ni dating Camarines Sur …

AKSYON AGAD ni Almar Danguilan

Patay muna aso bago turok ng bakuna

AKSYON AGADni Almar Danguilan KAPAG namatay na ang aso, saka lang babakunahan para sa anti-rabies …

PROMDI ni Fernan AngelesI

MOA ni Gina Lopez, ibasura na

PROMDIni Fernan Angeles NANANAWAGAN ang mga katutubong magsasaka at mga residente ng Sitio San Roque, …

Dragon Lady Amor Virata

Kagulat-gulat na anunsiyo ni Parañaque newly elected mayor

Isumbong mokay DRAGON LADYni Amor Virata FIRST time in history sa local government ng Parañaque, …

Sipat Mat Vicencio

‘Butas ng karayom’ ang papasukin ni Bongbong

SIPATni Mat Vicencio ANG pormal na panunumpa ni Ferdinand “Bongbong” Marcos, Jr., bilang ika-17 pangulo …

Leave a Reply