Friday , March 29 2024
Bulabugin ni Jerry Yap
Bulabugin ni Jerry Yap

Sino ang masasaktan sa moratorium ng Pagcor sa POGOs?

KUNG dati ay walang nakikitang problema o isyu sa pag-iisyu ng lisensiya para sa Philippine offshore gaming operators (Pogos) sa mga dayuhang Chinese nationals si Philippine Amusement and Gaming Corp. (PAGCOR) chair and CEO Andrea Domingo, hindi na ngayon.

Sa totoo lang, marami ang nagulat sa bigla niyang pagkambiyo.

Sa isang press conference sa Intramuros, Maynila, buong tapang na inihayag ni Madam Didi na nagpataw ng moratorium ang PAGCOR sa pagbibigay ng lisensiya sa mga aplikante ng POGOs.

E kasi nga raw maraming tutol mula sa iba’t ibang sector dahil bukod sa nakaaapekto ito sa kabuhayan at ekonomiya ng ating mga kababayan, e banta pa raw sa national security, ayon mismo kay National Security Adviser Hermogenes Esperon, Jr.

Kaya hayan, nagbaba ng utos ang gambling regulator ng bansa. Walang lisensiya para sa mga bagong aplikante ng POGOs.

Sa tanong kung hanggang kailan ang moratorium, ang sabi ni Madam Didi: “…until all concerns have been addressed.”

“We will no longer accept any more applications until we have reviewed and comfortably addressed all of the concerns of everybody,” dagdag pa ni Madam Didi.

Aba ‘e, marami nga ang natuwa dahil nakinig si Madam Didi sa mga usapin.

Pero may ilang tanong lang din tayo at gusto nating iparating kay Madam Didi base sa ilang nagpapaabot ng impormasyon sa inyong lingkod.

FYI lang po Madam Didi, alam ba ninyo na mahina umano ang P50 milyones na isinusuka ng mga aplikante ng POGOs para makakuha ng lisensiya?!

At ‘yang P50-M umano na ‘yan ay ‘isang tao’ lang ang kinakausap nila, at tiyak na swak na.

Kung baga, ang ‘nag-iisang tao’ na ‘yan ay ‘enkargado.’ Sino-sino naman kaya ang nakikinabang sa enkargado na ‘yan?

Alam kaya ni Madam Didi kung sino ang nakikinabang diyan? At kung sino ang ‘nag-iisang tao’ na ‘yan na kinakausap para aprobado agad ng PAGCOR ang POGO license nila?!

Bukod pa riyan ang goodwill, Madam Didi.

Masiyahan kaya ang ‘nag-iisang tao’ na ‘yan sa ibinaba ninyong ‘moratorium’ sa lisensiya ng POGO?!

O baka naman mapabilis ang lifting ng moratorium kapag lumutang sa tanggapan ninyo ang ‘nag-iisang tao’ na ‘yan?!

Pakibalitaan naman po kami agad, Madam Didi, please?!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *