Thursday , July 7 2022
dead gun police

Holdaper sa Bulacan todas sa pulis-Maynila

BUMULAGTA ang isa sa riding-in-tandem makaraang maispatan ng isang pulis-Maynila ang pang­hoholdap ng dalawang suspek sa isang babae sa Guiguinto, Bulacan kamakalawa nang gabi.

Batay sa ulat ni P/Lt. Col. Joel Aparejado, hepe ng Guiguinto Municipal Police Station (MPS), binabagtas ni P/Cpl. John Michael Dela Cruz ang kahabaan ng lansangan sa Barangay Ilang-ilang sa naturang bayan nang makita niyang hinarang ng dala­wang lalaking naka-motorsiklo ang isang pampasaherong jeep saka nilapitan at inagaw ang bag ng babaeng biktima.

Nabatid na tinangka pang humabol ng biktima sa mga holdaper na inawat ng pulis-Maynila at siya ang mabilis na nagresponde sa pagtugis sa mga kawatang naka-motorsiklo.

Nagkaroon ng habulan at unang nagpaputok ang mga suspek kung kaya’t ginantihan din sila ng pulis-Maynila hang­gang matamaan ang isa sa kanila.

Nabatid na nakatakas ang kasa­mahan ng napatay na suspek na kasalukuyang pinag­ha­hanap ng mga pulis-Guiguinto.

Nakuha sa napatay na sus­pek ang isang bag na pagmamay-ari ng biktima, motorsiklo, kalibre .38 baril, at basyo ng bala na ginamit sa pamamaril laban sa nagrespondeng pulis.

Papasok sa kanyang duty sa MPD Station 2 si Dela Cruz mula sa inuuwiang bahay sa Bulacan nang makita niya ang pangho­holdap ng mga suspek at hindi nagdalawang isip na magres­ponde sa tawag ng tungkulin.

Kabilang si Dela Cruz sa Tactical Motorcycle Rider Units (TMRU) ng MPD PS2 sa ilalim ng pamumuno ni P/Lt. Col. Melvin Montante. (MICKA BAUTISTA)

 

 

About Micka Bautista

Check Also

Ops kontra sugal ikinasa 6 SUGAROL NASAKOTE SA CALAMBA, LAGUNA Boy Palatino

Ops kontra sugal ikinasa
6 SUGAROL NASAKOTE SA CALAMBA, LAGUNA

NASUKOL ng mga awtoridad ang anim na indibiduwal na sangkot sa ilegal na pagsusugal sa …

arrest, posas, fingerprints

Wanted sa murder
LIDER NG GUN-FOR-HIRE GROUP ARESTADO

NADAKIP ng mga awtoridad ang isang lalaking wanted sa kasong murder at sinasabing lider ng …

dead gun

Convenience store nilooban
KAWATAN BULAGTA SA ENKUWENTRO, KASABWAT NAKAPUSLIT

NAPATAY ng mg aawtoridad matapos manlaban ang isang armadong lalaking pinaniniwalaang nanloob sa isang convenience …

marijuana

Nagkakalat ng marijuana sa Bulacan
TULAK AT RUNNER NA MENOR DE EDAD, TIKLO SA DRUG STING 

NAARESTO ng mga awtoridad ang dalawang personalidad na pinaniniwalaang tulak ng marijuana kabilang ang isang …

dead gun police

Sa Jaen, Nueva Ecija
CARETAKER NIRATRAT NG RIDING-IN-TANDEM 

PATAY ang isang caretaker nang barilin ng dalawang armadong lalaking magkaangkas sa motorsiklo sa bayan …

Leave a Reply