Chairwoman niratrat ng tandem
ISANG barangay chairwoman ang pinagbabaril ng riding-in-tandem sa tapat mismo ng barangay hall sa Sta. Cruz, Maynila.
Kinilala ang biktima na si Aileen Guitodong, 47, may-asawa, chairwoman ng Barangay 314 Zone 31 District 3 at residente sa Tomas Mapua St., Sta Cruz, Maynila.
Nangyari sa tapat ng barangay hall ang pamamaril ng dalawang hindi kilalang suspek na sakay ng motorsiklo at nakasuot ng face mask, helmet at jacket na mabilis na tumakas matapos ang insidente.
Dalawang tama sa katawan at ulo ang tumama sa biktima mula sa kalibre 45.
Ayon kay Maricel Rubio, sekretarya ng biktima, kasalukuyan silang nagkukuwentohan nang dumating ang riding-in-tandem.
Bumaba ang angkas at naglakad patungo sa barangay hall saka pinagbabaril si Guitodong saka mabilis na tumakas patungo sa direksiyon ng Lope De Vega St., Rizal Avenue.
Patuloy iniimbestigahan ng pulisya ang insidente.
