ISANG may katungkulan sa media bureau ng Office of the Paranaque City Mayor ang nakahuntahan namin kamakailan.
Iisa pala ang pinanggagalingan naming asosasyon ng mga beat reporter na nagkokober noon ng Pasay City. Sa anibersaryo ng grupong ‘yon kami nagkakuwentuhan.
Naitanong namin sa kanya ang tsansa ni Vandolph who’s now serving as Paranaque Councilor sa ikalawa nitong termino in case tumakbo itong Vice mayor after his next term.
Anito, may tulog daw ang anak ng nasirang Comedy King at Alma Moreno batay na rin sa kawalan ng impressive nitong performance.
Pero tiyak na kung name recall ang pagbabasehan ay ito ang magsisilbing edge o bentahe nito. Isinahalimbawa ng aming kausap ang misis ni Vandolph na si Jenny na nanalong barangay chairwoman all because nakaangkla ang pangalan nito sa isang Quizon.
Magsilbi sanang maagang panawagan ito kay Vandolph para pag-ibayuhin ang kanyang kandidatura by 2025 when he will have served his third and last term as alderman (that is, kung ngingitian siya ng kapalaran sa 2022).
Sa madaling salita, magtrabaho siya’t huwag magpapetiks-petiks.
HOT, AW!
ni Ronnie Carrasco III
