Friday , March 29 2024

PCSO ipinasara dahil sa ‘grand conspiracy’ (Sangkot sa korupsiyon sa ibubunyag ni Duterte)

MAY grand conspiracy sa lahat ng ‘players’ at participants ng gaming operations sa Philippine Charity Sweepstakes Office (PCSO).

Ayon kay Presidential Spokesman Salvador Panelo, masyadong mala­wak ang korupsiyon sa PCSO kaya ipinatigil ni Pangulong Rodrigo Du­terte ang gaming opera­tions.

Dinadaya aniya ng ‘players’ ang gobyerno at hindi nagbibigay ng karapat-dapat na share mula sa kita ng gaming operations.

Aabot aniya sa 60 hanggang 70 porsiyento ng share ang nawawala sa gobyerno.

Katuwiran ng Pangu­lo kung maliit lang ang kita ng gobyerno mas makabubuting isara na lamang ang PCSO  dahil may iba pa namang mapag­kukunan ng pondo ang pamahalaan gaya ng PAGCOR at discretionary fund ng Office of the President.

Kaugnay nito, magla­labas ng executive order si Pangulong Duterte para gawing pormal ang utos na ipasara ang operasyon ng lotto at iba pang gaming operations ng PCSO.

Paliwanag ni Panelo, kahit na walang executive order, executory na ang utos ng Pangulo.

Dagda niya masyado nang nagugumon ang mga Pinoy sa sugal at ito ang isa sa mga dahi­lan kaya nagpasya si Pangu­long Duterte na ipatigil ang gaming operations ng PCSO.

Ani Panelo, hindi na nakabubuti sa lahi at kultura ng mga Filipino ang malulong sa sugal.

ni ROSE NOVENARIO

SANGKOT
SA KORUPSIYON
SA PCSO IBUBUNYAG
NI DUTERTE

MALALAKING tao ang nasa likod ng korupsiyon sa gaming operations sa Philippine Charity Sweep­stakes Office ( PCSO).

Sinabi ni Presidential Spokesman Salvador Panelo na hindi lamang mga taga-PCSO ang sang­kot kundi maging ang ilang local govern­ment officials at mga hukom.

Ayon kay Panelo, ibubunyag ni Pangulong Rodrigo Duterte ang pagkakakilanlan ng malalaking tao pagdating ng takdang panahon.

Magiging maingat aniya ang Pangulo sa pagbibigay ng pangalan sa mga sangkot sa korup­siyon para hindi mag­kamali.

Bilyon-bilyong piso aniya ang nawawala sa kaban ng bayan dahil sa korupsiyon sa PCSO.

Gayunman, walang dapat na ipag-alala ang publiko sa pagsasara ng gaming operations ng PCSO.

May mapagkukunan pa aniya ang pamahalaan para sa mga humihingi ng medical assistance sa PCSO gaya ng PAGCOR na umaayuda sa pama­halaan.

Bukod dito, maaari rin magpalabas ang Office of the President ng pondo mula sa discre­tionary fund.

Makapagbibigay pa aniya ng medical assis­tance ang gobyerno kahit sarado na ang gaming operations ng PCSO.

Payo ni Panelo, sumu­lat lamang sa tanggapan ni Pangulong Duterte o dumulog sa mga tang­gapan ng PAGCOR para makahingi ng medical assistance.

(ROSE NOVENARIO)

 

About Rose Novenario

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *