TAGUMPAY ng buong Filipinas ang panalo ni Senador Manny Pacquiao bilang bagong WBA Super World Welterweight champion laban kay Keith Thurman.
Sinabi ni Presidential Spokesman Salvador Panelo, nakikiisa ang Palasyo sa pagbubunyi ng sambayanang Filipino sa panibagong karangalang nasungkit ng Pambansang Kamao.
“Pacquiao’s victory is not only his, but of the entire nation. As such, the Palace is one in rejoicing with the Filipino people as the Pambansang Kamao once again puts the flag above the pedestal with his display of tenacity and courage,” ani Panelo.
Dagdag ni Panelo, hindi kinabog si Pacquiao kahit di-hamak na mas bata sa kanya si Thurman bagkus ay ipinamalas ang kanyang pagpupursigi bilang isang “fighter” na katangian ng isang Pinoy.
“We thank Senator Manny for not only bringing honor and glory to our flag, but for once again uniting all Filipinos worldwide with his display of athleticism, power and Filipino pride,” sabi ni Panelo.
Una nang nagbigay ng karangalan ngayong taon si Pacquiao nang gapiin si Adrien Broner at napanatili ang kanyang WBA welterweight belt.
(ROSE NOVENARIO)
