Saturday , June 15 2024
Malacañan CPP NPA NDF

Palasyo ‘walang paki’ sa hinalang paninira ng CPP-NPA-NDF sa Global community

WALANG balak ang Palasyo na paim­bestiga­han ang koneksiyon ng Communist Party of the Philippines – New People’s Army – National Democratic Front (CPP-NPA-NDF) sa resolusyon ng Iceland laban sa human rights violations sa ilalim ng adminis­trasyong Duterte na sinusugan ng United Nations Human Rights Council (UNHRC).

Sinabi ni Presidential Spokesman Salvador Panelo, hahayaan na lamang ng Malacañang ang mga paninira ng kilusang komunista sa administrasyong Duterte na pinaniniwalaan ng ibang bansa gaya ng Iceland.

“Pinababayaan na nga namin, ‘di ba? Haya­an mo na sila, we’ll just do our best,” ani Panelo.

Kamakalawa ay inihayag ni Philippine National Police (PNP) chief General Oscar Albayalde na posibleng kagagawan ng CPP-NPA-NDF ang mga pani­nira sa administrasyong Duterte na naging basehan ng resolution ng Iceland sa UNHRC.

Kaugnay nito, inamin ni Panelo na ikinokon­sidera ni Pangulong Duter­te ang pagkalas sa diplomatic relations sa Iceland dahil sa mali­syoso at one-sided na resolution sa UNHRC.

Hindi aniya nakikita at nauunawaan ng Iceland ang realidad ng epekto ng problema ng bansa sa illegal drugs.

Ipinakikita rin aniya ng resolusyon kung paano insultohin ng Western countries ang karapatan nating protektahan ang sariling mamamayan laban sa paglatay ng ilegal na droga na malinaw na banta sa ating lipunan.

Ang pakikialam  ng Iceland ayon kay Panelo ay nararapat lamang kondenahin.

Malinaw din aniya na ang resolusyon ng Iceland ay nakadisenyo para hiyain ang Filipinas sa harap ng international community at Global audience.

(ROSE NOVENARIO)

About Rose Novenario

Check Also

DOST 1 opens ‘smart and sustainable’ workshop in Laoag City

DOST 1 opens ‘smart and sustainable’ workshop in Laoag City

THE Participatory Planning and Road Map Development Workshop towards a Smart and Sustainable City of Laoag kicked off …

Las Piñas LGU may bagong environmental at health vehicles

Las Piñas LGU may bagong environmental at health vehicles

PINABASBASAN ng pamahalaang lungsod ng Las Piñas ang nakuhang mga bagong sasakyang pangkalikasan at pangkalusugan …

10,000 trabaho handog ng pasay LGU sa Kalayaan Job Fair

10,000 trabaho handog ng pasay LGU sa Kalayaan Job Fair

ISANG mega job fair ang inihandog ng lokal na pamahalaan ng lungsod ng Pasay kahapon …

Chavit Singson

Chavit Singson mamimigay ng P7-M sa kanyang kaarawan

MAMAMAHAGI si dating governor Luis “Chavit” Singson ng saya at kabutihang-loob sa pagdiriwang ng kanyang kaarawan ngayong taon. …

Sam Verzosa Yul Servo

VM Yul at Rep Sam magsasalpukan sa pagka-Manila mayor 

I-FLEXni Jun Nardo NAGPAPARAMDAM na ang bofriend ni Rhian Ramos na si partylist representative Sam Versoza sa ilang barangay …

Leave a Reply

Your email address will not be published. Required fields are marked *