Thursday , July 7 2022

Ex-President ng Vallacar, sabit sa ‘funds anomaly’ (Pondong kinuha, pasuweldo sa mga empleyado)

PINANGANGAMBA­HANG milyon-milyong piso ang nakulimbat ng isang Leo Rey Yanson, dating pa­ngu­lo ng Valla­car Transit Corporation, isa sa pina­kamalaking bus com­panies sa Filipinas.

Ayon kay Vallacar Chief Finance officer Celi­na Yanson-Lopez, bulto ang pondong nakuha ng dating pangulo na si Yanson.

Ang pondong ito ay pasuweldo sa mahigit 18,000 empleyado ng nasabing bus company na may operasyon sa kalak­hang Visaya at Mindanao.

Ayon kay Yanson-Lopez, mula 1-17 Hunyo, umabot sa milyon-mil­yong pisong pondo ang nakulimbat ni Yanson mula sa Vallacar Transit Corporation nang walang pahintulot.

Kita umano ng mga bus sa buong maghapon ang nasabing halaga at mula sa mahigit 4,000 bus na pumapasada sa Visa­yas at Mindanao.

Patuloy ang auditing at accounting ng kom­panya para malaman ang dami at laki ng mga halagang naipuslit ni Yanson nang walang awtorisasyon mula sa management o sa board of directors ng bus com­pany.

Wala umanong pasa­bi man lamang kung saan ginastos o dinala ni Yan­son ang nasabing mala­king halaga.

Nang pormal na tanu­ngin si Yanson kung saan niya ginastos ang pera ng mga empleyado, wala siyang konkretong nasa­bi.

Ilegal umano ang with­drawals sapagkat walang pahintulot sa manage­ment ng bus company. Maaari siyang maharap sa sandamukal na kasong kriminal.

Mahigpit aniya ang regulasyon ng kompanya na ang anomang with­drawals ay daraan muna sa paghingi ng pahintulot sa management, na hindi umano ginawa ni Leo Yanson.

Pinatalsik ang dating pangulong si Yanson nitong nakaraaang araw nang makitaan siya iregu­laridad sa management ng bus company.

Pinalitan siya ni Roy Yanson alinsunod sa botohan at kagustuhan ng bagong manage­ment.

Sa bagong manage­ment, kailangan nilang pangalagaan ang kita ng kompanya na pinang­gagalingan ng pasahod at benefits ng mga emple­yado.

Matagal na umanong ginawang personal na kaharian ni Yanson ang kompanya na kumukuha ng pondo kahit walang pagpayag ang manage­ment.

About hataw tabloid

Check Also

Bongbong Marcos BBM Mark Lapid Tanya Garcia

Mark T. Lapid itinalagang COO ng TIEZA

MULING itinalaga bilang Chief Operating Officer (COO) ng Tourism Infrastructure and Enterprise Authority (TIEZA) si …

Ambeth Ocampo Ella Cruz

Pinoy historian umentra sa pasabog ni Ella

HATAWANni Ed de Leon ANG lakas ng tawa namin nang makita sa isang social media …

Tirso Cruz III Johnny Revilla Bongbong Marcos BBM

Tirso Cruz III bagong FDCP chair, Johnny Revilla sa MTRCB

UMAGA pa lang kahapon, July 5 umugong na ang balitang pinalitan na si Liza Dino Seguerra bilang Film …

Ops kontra sugal ikinasa 6 SUGAROL NASAKOTE SA CALAMBA, LAGUNA Boy Palatino

Ops kontra sugal ikinasa
6 SUGAROL NASAKOTE SA CALAMBA, LAGUNA

NASUKOL ng mga awtoridad ang anim na indibiduwal na sangkot sa ilegal na pagsusugal sa …

arrest, posas, fingerprints

Wanted sa murder
LIDER NG GUN-FOR-HIRE GROUP ARESTADO

NADAKIP ng mga awtoridad ang isang lalaking wanted sa kasong murder at sinasabing lider ng …

Leave a Reply