Friday , June 21 2024
knife saksak

Kelot sugatan sa 5 holdaper

PINAGTULUNGANG saksakin ang 34-anyos lalaki ng limang holdaper nang  tumanggi ang biktima na ibigay ang kanyang gamit sa Taguig City, Martes ng gabi.

Ginagamot sa Taguig-Pateros District Hospital ang biktima na kinilalang si Jonathan Vitamog sanhi ng maraming saksak sa iba’t ibang bahagi ng katawan.

Patuloy pang inaalam ng awtoridad ang pagka­kakilanlan ng mga suspek.

Sa ulat ng Southern Police District (SPD), naganap ang pangho­holdap sa biktima sa C-5 Waterfun Bridge Under­pass, Barangay Western Bicutan sa Taguig City, dakong 9:30 pm.

Naglalakad ang biktima sa nasabing tulay nang harangin ng limang suspek na armado ng patalim at nagdeklara ng holdap.

Tumanggi ang biktima na ibigay ang kanyang mahahalagang gamit na ikinagalit ng mga suspek hanggang pagtulungang saksakin sa katawan si Vitamog.

Nagawang manlaban ng biktima kahit sugatan na siya sa mga suspek hanggang makahingi ng tulong sa mga miyembro ng Public Order and Safety Office (POSO) kaya naisugod siya sa pagamutan.

Tumakas ang mga suspek sa hindi batid na direksiyon.

Nagsasagawa ng imbestigasyon at follow-up operation ang Taguig city police sa nasabing insidente.

(JAJA GARCIA)

About Jaja Garcia

Check Also

Samuel Pabonita Pasay Police

POGO sa Pasay, krimen walisin — Pasay cop

INAMIN ni Pasay City Chief of Police Col. Samuel Pabonita, malaking bagay para sa seguridad …

3,000 Caviteños Cayetano DSWD

3,000 Caviteños nagpasalamat sa suporta mula sa mag-utol na Cayetano at DSWD

PINAIGTING ng mga tanggapan nina Senador Alan Peter at Pia Cayetano ang kanilang pagbisita sa …

062124 Hataw Frontpage

Indigenous gas dev’t bedrock ng PH sa kinabukasan ng enerhiya — Prime Energy exec

TAHASANG sinabi ng isang executive officer ng Prime Energy Resources Development (Prime Energy) na hindi …

062124 Hataw Frontpage

2 medyas na puno ng dolyares nawalis sa NAIA3

HATAW News Team TINATAYANG P1.1 milyon ang halaga ng mga dolyares na nadiskubre sa dalawang …

shabu drug arrest

2 tulak huli sa Malabon, Vale buybust

DERETSO sa hoyo ang dalawang hinihinalang tulak ng ilegal na droga matapos matimbog sa magkahiwalay …

Leave a Reply

Your email address will not be published. Required fields are marked *