Wednesday , June 26 2024

Kahit pinaboran ni Duterte… Term sharing deadma kay Velasco

NANINIWALA ang mga political analyst na nawalan ng kompiyansa si Pangulong Rodrigo Duterte kay Marinduque Rep. Lord Allan Velasco sa pag-atras sa nabuong term sharing sa house speakership.

Para sa political analyst na si University of the Philippines Professor Ranjit Rye, si Velasco ang napurohan nang tang­gihan niya ang kasunduan sa term sharing lalo pa’t inaprobahan ito ng Pangulo bilang solusyon sa gusot sa Speakership race.

Maging ang batikang analyst na si Mon Casiple ay naniniwalang malaki ang nawala kay Velasco, hindi umano ang term sharing ang kanyang tinanggihan kundi ang nais mismong mangyari ni Pangulong Duterte.

“Naniniwala akong nainis o nagalit din si Pangulong Duterte nang tanggihan siya ni Velasco, he has lost a lot of points there,” paliwanag ni Casiple.

Ang term sharing sa pagitan nina Velasco at Taguig Rep. Alan Peter Cayetano ay ipinanukala ng kampo ni Velasco, base sa pahayag ni Pangulong Duterte.

Pumabor siya sa term sharing lalo pa’t napanga­kuan si Cayetano gayon­din si Velasco na tutu­lungan sila na makuha ang posisyon ng House Speaker.

Inamin din ng Pangu­long Duterte na bagama’t kaibigan niya ang isa pang Speaker wannabe na si Leyte Rep. Martin Ro­mual­dez na sinuportahan din siya sa nakaraang eleksyon, wala naman siyang naging pangako sa kongresista ukol sa pagiging Speaker.

Samantala, walang nakikitang masama ang ilang kongresista sa ipi­napanukalang term sharing pero inatrasan ni Velasco.

Sinabi ni Cavite Rep. Abrahan Tolentino, kung nais ng Pangulong Duterte ang term sharing, agad silang tatalima bilang nakaaalam ng makabu­buti sa kanyang admi­nistrasyon.

Samantala Ilang senior members din ng Kamara ang pumuna sa estilo ni Velasco na mai­ha­halintulad sa pagiging trapo, kasama na rito ang pinupukol sa kanya na vote buying, ang pagsa­kay sa mga events ng Malacañang para pala­basin na malapit siya sa Pangulong Duterte at pagmamayabang ng su­porta na walang katoto­hanan.

Nalagay din sa hot water si Velasco nang magsinungaling na wa­lang term sharing na sinasabi si Pangulong Duterte sa Speakership, ngunit sa panayam sa Pangulo, inamin at idine­talye nito ang nabuong kasunduan ukol sa pag­hahati ng 3-taon termino bilang House Speaker nina Velasco at Cayetano.

Unang magsisilbi sa Cayetano sa loob ng 15 buwan at susundan ni Velasco ng 21 buwan.

Hanggang ngayon ay tikom ang bibig ni Velasco ukol sa ginawa niyang pagsisinungaling na walang term sharing.

HATAW News Team

About hataw tabloid

Check Also

arrest, posas, fingerprints

No. 3 MWP ng Leyte  
NAARESTO SA CALOOCAN

ARESTADO ang isang lola na nakatala bilang No. 3 most wanted person (MWP) sa Leyte …

shabu drug arrest

P.2M shabu kompiskado  
BEBOT, ISA PA, TIKLO SA VALE AT KANKALOO

DALAWANG pinaghihinalaang tulak ng ilegal na droga, kabilang ang isang bebot ang inaresto matapos makuhaan …

SAF hinikayat ni Cayetano para sa ‘transformative’ role sa bansa

PARA kay Senator Alan Peter Cayetano, maaaring makakuha ng inspirasyon ang ating mga kababayan mula …

MATATAG curriculum

Creative & critical thinking ng Pinoy students inaasahang patatalasin ng MATATAG curriculum

KOMPIYANSA si Senador Win Gatchalian na tataas ang antas ng creative at critical thinking skills …

prison rape

Most wanted sa statutory rape
68-ANYOS LOLO TIMBOG SA VALE

REHAS na bakal ang kinasadlakan ng isang lolo na wanted sa tatlong bilang ng kasong …

Leave a Reply

Your email address will not be published. Required fields are marked *