Thursday , June 13 2024
fire sunog bombero

Dahil sa napabayaang kandila… Isang sanggol, 4 paslit, 1 pa patay sa sunog

ANIM na magkakaanak ang nasawi sa sunog na tumupok sa kanilang bahay dahil sa napaba­yaang kandila sa Caloo­can City, kahapon ng madaling aarw.

Kinilala ang mga biktimang sina Maricel Roxas, 32, at magkaka­patid na sina Robert Basas, 10, RJ, 4, JP, 2, at tatlong buwan gulang na si Niño Basas, at kanilang pinsan na si Eduardo Roxas, 8-anyos habang patuloy na ginagamot sa Tala Hospital si Benedict Basas, 13.

Sa pahayag ng naka­ligtas na si Benedict, panganay sa magkaka­patid, dakong 2:45 am, natutulog sila sa loob ng kanilang bahay sa Phase 8 B, Package 5, Brgy. 176, Bagong Silang nang biglang sumiklab ang apoy mula sa naupos na kandila na nahulog sa kahon ng mga karton.

Mabilis na kumalat ang apoy dahil gawa sa light material ang bahay habang nagawang maka­talon sa ikalawang pala­pag ng bahay si Benedict at hindi na nagawang mailigtas ang kanyang mga kaanak.

Ayon kay Purok leader Renato Caladiao, nahirapan ang mga bom­bero sa pag-apula ng apoy dahil malayo sa kalsada ang bahay ng mga biktima at kinaka­ilangan pang pagdug­tong-dug­tungin ang mga fire hose.

Wala rin sa bahay ang ama ng magkakapatid nang maganap ang insi­dente dahil nag-overtime umano ito sa trabaho.

Wala umanong kor­yente ang bahay ng mga biktima kaya gumagamit lang ng kandila o lampara.

Sa imbestigasyon ni FO1 Cedrick Pardenias, nasa 30,000 halaga ng ari-arian ang tinupok ng apoy habang patuloy pa rin ang isinasagawang imbes­tigasyon sa insidente.

(ROMMEL SALES)

About Rommel Sales

Check Also

Migz Zubiri Pope Francis

Pope Francis binulungan si Migz: Protektahan ang pamilyang Filipino

“PINAKIUSAPAN ako ni Pope Francis to ‘protect the family,’ at isasapuso ko ang sinabi niyang …

Imelda Papin PCSO

Imelda Papin kompiyansang maraming matutulungan sa kanyang Isang Linggong Serbisyo

SHOWBIZ KONEKni Maricris Valdez Nicasio KAHAPON ang unang araw ng OPM icon at Jukebox Queen Imelda …

shabu drug arrest

Tulak timbog sa Navotas buybust ops

ARESTADO ang isang lalaki na sinabing sangkot sa pagtutulak ng ilegal na droga matapos kumagat …

Pastor Quiboloy

Warrant of arrest isinilbi vs Quiboloy, 5 iba pa

NAGTUNGO ang Philippine National Police-Criminal Investigation and Detection Group (PNP-CIDG) at Special Action Force (SAF) …

Bagong Pilipinas Hymn

Hymn at pledge ng Bagong Pilipinas pang-Executive lang — SP Escudero

TAHASANG sinabi ni Senate President Francis “Chiz” Escudero na hindi maaring ipilit sa senado, sa …

Leave a Reply

Your email address will not be published. Required fields are marked *