Sunday , June 16 2024
BAKAS ni Kokoy Alano
BAKAS ni Kokoy Alano

Suko na si Digong sa korupsiyon ikinakampanya na si Bongbong?

TALIWAS sa pangako ni Pres. Digong noong nangangampanya noong 2016 na susugpuin ang problema sa naglipanang bawal na droga at korupsiyon sa bansa, inamin ng Pangulo na hindi na niya ito kayang sugpuin.

‘Yan ay makalipas ang tatlong taon matapos siyang maluklok bilang pangulo, ngayon ay bigla niyang inamin na hindi niya kayang sugpuin kahit manungkulan pa siya nang 20 taon bilang pangulo ng bansa.

Ang pangunahing ahensiya ng gobyerno na talamak sa korupsiyon ay Bureau of Customs na pinagdaraanan din ng bilyong halaga ng tone-toneladang shabu na pinaniniwalaang resulta ng malawakang sabwatan sa loob at labas ng bansa na ang susi ay ang lagayan o tara sa bawat con­tainers na dumarating sa bakuran nito.

Walang nagawa ang angas ni Navy Capt. Nicanor Faeldon at talino ni  AFP Gen. Isidro Lapeña na nauna sa ngayo’y BoC Commissioner Rey Leonardo Guerrero na isang mahinahon pero subok ang management skills pagdating sa trabaho.

Marami na ang sinibak ni Pres. Digong na itinalaga sa iba’t ibang ahensiya ng gobyerno at karamihan ay mga tumulong sa kanya noong 2016 para maging pangulo, pero nang lumaon ay naghudas din sa kanya.

Nauna rito ang P50 milyong anomalya na kinasangkutan nina Associate Commissioners Al Argosino at Michael Robles ng  Bureau of Immigration hinggil sa illegal employment ng 1,316 Tsino sa kompanya ni Casino magnate Jack Lam  sa Fontana Leisure Park and Casino sa Clark, Pampanga na hanggang ngayon ay nililitis pa.

May balitang may multi-million visa racket pa rin daw sa BID at malamang na may maligwak dito sa maikling panahon. Dapat kapain ni T/A to the Commissioner Alex  Recinto  ito, para matuwa naman si bossing… ‘di ba?

Mahigit 1,000 presidential appointees ang sinibak ni Pres. Digong, pero hanggang ngayon ay patuloy pa rin ang korupsiyon sa gobyerno. Ano pa nga ang maaasahan natin sa nalalabing tatlong taon sa puwesto ni Pres. Digong kung ganito ang kalakaran sa gobyerno natin?

May pahaging si Pres. Digong na kailangan na ng isang Marcos para mamuno sa gobyerno na tila ibig ipahiwatig na tanging Martial Law na lamang ang makalulutas sa salot na korupsiyon sa bansa natin o baka ikinakampanya na si Bongbong Marcos para sa 2022,  hindi kaya?

Abangan natin!

BAKAS
ni Kokoy Alano

About Kokoy Alano

Check Also

Sipat Mat Vicencio

Dapat lang sibakin si Migz

SIPATni Mat Vicencio WALANG ibang dapat na sisihin sa pagkakasibak ni Senator Juan Miguel “Migz” …

FIRING LINE ni Robert B. Roque, Jr.

General lie

FIRING LINEni Robert B. Roque, Jr. PINAKAWALAN sa Shangri-La Dialogue ng pinakamatataas na opisyal ng …

AKSYON AGAD ni Almar Danguilan

Pananakit ng grupong MANIBELA kay Gonzales, kinondena ng QCPDPC

AKSYON AGADni Almar Danguilan NAKALULUNGKOT ang balita o nangyari kahapon sa kapatid namin sa pamamahayag …

YANIG ni Bong Ramos

First class citizens sa PH

YANIGni Bong Ramos DARATING daw ang araw na ang mga ‘Intsik’ na ang mga first …

AKSYON AGAD ni Almar Danguilan

Ang pagkakaiba ni suspended Mayor Guo sa traditional politicians

AKSYON AGADni Almar Danguilan MARAHIL ‘balik farm’ muna si Bamban (Tarlac) Mayor Alice Guo. Ha!? …

Leave a Reply

Your email address will not be published. Required fields are marked *