Monday , July 4 2022

Grade 5 student dinukot, nakatakas sa kidnaper

NADAKMA ng mga tau­han ng isang barangay ang isang lalaki na nagtangkang dumukot sa isang babaeng Grade 5 student na agad naka­pag­sumbong sa kanyang ama nang makatakas sa suspek, nitong Biyernes ng umaga sa Sta. Cruz, Maynila.

Nahaharap sa kasong abduction in relation to Republic Act 7610 o Anti-Child Abuse Law, ang  suspek na si Rodennis Garcia, 49, jobless, resi­dente sa Block 12, Lot 22, Phase 3, E1 Dagat-dagatan, Caloocan City.

Sa ulat, naganap ang insidente dakong 9:00 am, nitong 14 Hunyo sa Rizal Ave., kanto ng Yuseco St., sa Sta. Cruz, Maynila

Bago ang pagdukot, inutusan umano ng kan­yang mga magulang ang biktima na magtungo sa Anacleto St., para bu­mili ng pagkain.

Habang naglalakad, nakita umano ng suspek ang biktima at tinawag saka sinabihang, “Halika, may ibibigay ako sa ‘yo, ibigay mo sa tatay mo, sumama ka sa akin.”

Tumanggi ang batang babae pero puwersahan siyang isinakay ng suspek sa bisikleta at saka binag­tas ang T. Mapua St.

Pagdating sa M. Ponce Elementary School, bumaba ang suspek sa bisikleta na sinamantala ng biktima saka kuma­ripas ng takbo pauwi sa kanilang tahanan.

Paalis na umano ang suspek nang abutan at maaresto ng barangay officials at agad na binitbit sa Alvarez Police Community Precinct (PCP) para maimbes­tiga­han.

About hataw tabloid

Check Also

Lani Cayetano Alan Peter Cayetano Taguig 1

Panunumpa sa tungkulin sa Taguig City

MASAYANG nanumpa si Taguig City Mayor Lani Cayetano kay Hon. Judge Antonio Olivete sa pormal …

Ruffy Biazon Muntinlupa oathtaking 1

PORMAL na nanumpa ang bagong chief executive ng Muntinlupa City

PORMAL na nanumpa ang bagong chief executive ng Muntinlupa City na si Mayor-elect Ruffy Biazon …

Mel Aguilar April Aguilar Las Piñas Feat

Mel at April Aguilar nanumpa sa kanilang tungkulin si Las Piñas City

SABAY na nanumpa sa kanilang tungkulin si Las Piñas City Mayor Imelda “Mel” Aguilar at …

Para sa surgical mission sa Bohol Eye doctors inilipad ng Cebu Pacific

Para sa surgical mission sa Bohol Eye doctors inilipad ng Cebu Pacific

INIHATID ng Cebu Pacific Air sa lungsod ng Tagbilaran, sa lalawigan ng Bohol noong nakaraang …

Bongbong Marcos BBM

Pagbasura sa DQ kay Marcos ‘di nakapagtataka – Makabayan

HINDI, umano, nakapagtataka ang desisyon ng Korte Suprema na ibasura ang mga petisyon na idiskalipika …

Leave a Reply