Saturday , June 15 2024
OFW kuwait

Deployment ban ng OFW sa Kuwait hiniling

HINILING ng Catholic Bishops’ Conference of the Philippines – Episcopal Commission on Migrants and Itinerant People (CBCP -ECMI) na magpatupad ng deployment ban sa overseas Filipino workers (OFWs) sa Kuwait.

Hinikayat din ng CBCP- ECMI ang gobyerno na ipatupad ang kasunduang pinagtibay ng Filipinas at Kuwait noong nakaraang taon para sa pagbibigay ng proteksiyon sa mga OFW.

Ayon kay Balanga Bishop Ruperto Santos, chairman ng komisyon, dapat tiyakin ng dalawang bansa na mabibigyan ng katarungan ang sinapit ng isang Filipina na inabuso ng isang airport security personnel sa Kuwait.

Bukod sa pagtulong at pagbibigay ayuda, kailangan aniyang ipatupad ang nasabing kasunduan upang matigil na ang pang-aabuso sa OFWs.

“Both government must see to it that the suspected rapist-in-uniform must be prosecuted, punished, justice must be served to our con national,” ani Santos.

Malinaw aniya na paglabag sa kasunduang nilagdaan ng dalawang bansa sa pangangalaga sa kapakanan, kaligtasan at pangangalaga sa karapatan ng mga manggagawang Filipino.

Naninindigan din ang Obispo na dapat maaresto at maparusahan ang 22-taong gulang na suspek na kinilalang si Fayed Naser Hamad Alajmy na dumukot at gumahasa sa OFW.

Ipinatupad ang total deployment ban ng mga OFW sa Kuwait, noong Pebrero ng nakalipas na taon matapos ang kalunos-lunos na pagpatay kay Joanna Demafelis na natagpuan sa loob ng isang freezer.

Binawi ng Department of Labor and Employment (DOLE) ang ban noong Mayo ng nakaraang taon matapos lagdaan ng pamahalaan ng Filipinas at Kuwait ang isang kasunduan na naglalayong mapangalagaan ang karapatan at kapakanan ng mga OFW sa Kuwait.

Sa kasunduan, nakapaloob ang pagkakaroon ng special police unit na magsisilbing katuwang ng Embahada ng Filipinas sa pagsasagawa ng rescue operations at pagbibigay ng ayuda sa mga nangangailangang OFWs.

About hataw tabloid

Check Also

DOST 1 opens ‘smart and sustainable’ workshop in Laoag City

DOST 1 opens ‘smart and sustainable’ workshop in Laoag City

THE Participatory Planning and Road Map Development Workshop towards a Smart and Sustainable City of Laoag kicked off …

Las Piñas LGU may bagong environmental at health vehicles

Las Piñas LGU may bagong environmental at health vehicles

PINABASBASAN ng pamahalaang lungsod ng Las Piñas ang nakuhang mga bagong sasakyang pangkalikasan at pangkalusugan …

10,000 trabaho handog ng pasay LGU sa Kalayaan Job Fair

10,000 trabaho handog ng pasay LGU sa Kalayaan Job Fair

ISANG mega job fair ang inihandog ng lokal na pamahalaan ng lungsod ng Pasay kahapon …

Chavit Singson

Chavit Singson mamimigay ng P7-M sa kanyang kaarawan

MAMAMAHAGI si dating governor Luis “Chavit” Singson ng saya at kabutihang-loob sa pagdiriwang ng kanyang kaarawan ngayong taon. …

Sam Verzosa Yul Servo

VM Yul at Rep Sam magsasalpukan sa pagka-Manila mayor 

I-FLEXni Jun Nardo NAGPAPARAMDAM na ang bofriend ni Rhian Ramos na si partylist representative Sam Versoza sa ilang barangay …

Leave a Reply

Your email address will not be published. Required fields are marked *