Saturday , June 22 2024

Ai Ai at Bayani, riot ang tambalan sa pelikulang Feelennial

KAKAIBANG tambalan ang mapapanood kina Ai Ai delas Alas at Bayani Agbayani sa pelikulang Feele­nnial (Feeling Millennial), directed by Rechie del Carmen. Si Pops Fernandez ang executive producer dito, kaya mapapanood din siya sa isang special cameo role sa movie na showing na sa June 19.

Ito’y mula sa Cignal Enter­tainment at DSL Productions ni Pops.

Aminado si Pops na fan siya ng come­dy films at ito ang nakapagpapaalis ng kanyang mga stress at pagod kapag galing sa trabaho kaya naman naisip niyang for her first production ay comedy ang gawin.

Sa panig ni Ai Ai, nagpa­pasalamat siya at nagkapareha sila ni Bayani dahil dito nila nalaman na may chemistry pala sila.

Pahayag ni Ai Ai, “Noong napanood ko ang movie, kasi nga nag-dubbing kami ng ibang parts, sabi ko sa sarili ko, ‘Ay mayroon na ulit akong bagong ka-love team.’ Kasi nakita ko ‘iyong parang closeness and puso namin kay Bossing (Vic Sotto), e. Iyon talaga ang ka-love team ko, e. Pero noong napanood ko… kami ni Baya­ni, sabi ko, ‘Ay, may bago na akong ka-love team.’ May kilig factor kapag nanonood ka ng pelikula. So, cute.”

Siniguro naman ni Bayani na riot sa katatawanan ang kanilang movie ni Ai Ai at may karga itong pampakilig. “Sure na sure na riot sa katatawanan itong movie namin ni Ai Ai at may halong kilig din siyempre.”

Sa pelikulang Feelennial, ang Comedy Queen ay gaganap sa role na Madame Bato-Bato na iibig sa rich bachelor na si Chito, na ginagampanan naman ni Bayani.

Kasama rin nila sa cast sina Nar Cabico (Dua), Ina Feleo (Tahoma), Nicole Donesa (Cambria), Jelai Andres (Aerial),  Nicole Donesa (Cambria), Sofia delas Alas (Sophia), Skelly Skelly (Dope), Micah Muñoz (Shanty), Arvic Tan (Nico), at Raffy Roque  (Efril).

Bukod kay Pops, may special participation dito ang ex-husband niyang si Martin Nievera at si Paolo Ballesteros.

ALAM MO NA!
ni Nonie Nicasio

About Nonie Nicasio

Check Also

Darren Espanto D10 Star Magic

Darren Espanto pambato ng Star Magic  

SHOWBIZ KONEKni Maricris Valdez Nicasio NATAWA kami sa tinuran ni Darren Espanto nang matanong kung …

Diwata

Diwata walang kiyemeng kumain ng tsiken habang sumasagala 

MATABILni John Fontanilla HINDI na nga maitatago pa ang kasikatan ng social media viral pares …

Ogie Diaz Mama Loi Bea Alonzo

Ogie naghain ng counter-affidavit, Mama Loi perjury case vs Bea Alonzo

MA at PAni Rommel Placente KASAMA ang kanilang abogadong si Atty. Regie Tongol, humarap sina Ogie Diaz, …

Vilma Santos Carlo Aquino Charlie Dizon

Ate Vi bumawi sa mga inaanak na sina Carlo at Charlie

MA at PAni Rommel Placente ISA ang tinaguriang Star For All Seasons na si Vilma Santos sa …

Child Haus Ricky Reyes

TEAM Gift Giving & Feeding project sa Child Haus matagumpay Advocacy ni Ricky Reyes pagtulong  sa mga batang may cancer

ALAM MO NA!ni Nonie Nicasio MASAYA ang pag-welcome ni Mader Ricky Reyes sa mga kasapi …

Leave a Reply

Your email address will not be published. Required fields are marked *