Thursday , July 7 2022

Pinoy project, napili para sa Switzerland Film Co-Production Program

KASAMA ang pangalawang feature project na Some Nights I Feel Like Walking ng film director na si Petersen Vargas sa Open Doors Hub Program ng Locarno Film Festival ngayong taon sa Switzerland.

Ang Open Doors Hub Program ay itinatag 17 na taon na ang nakalilipas, at ito ang industry sidebar ng Locarno Film Festival. Ang mga napiling director at producer na sasali sa programang into ay ime-mentor at magkakaroon ng pagkakataong makipag-network sa potential international distributors at partners. Ngayong taon, walong (8) promising projects mula sa Southeast Asia ang ilalahok sa programa para sa international collaborations.

Ipinagmamalaki ng Film Development Council of the Philippines (FDCP), ang film agency ng Pilipinas, ang pagbibigay ng karangalan nina Vargas at ng kanyang team sa bansa.

“Focused kami ngayon more than ever sa pag-encourage sa ating Philippine fimmakers at talents na tahakin ang international route, at ang Open Doors Hub ng Locarno ang magbibigay sa ating filmmakers at sa kanilang projects ng platform para maisakatuparan ang layuning ito. Proud kami kay Petersen, at wish namin ang best sa paghahanap nila ng potential international collaborators sa program na tutulong sa kanilang isasa-pelikulang project,” sabi ni FDCP Chairperson at CEO Mary Liza Diño.

Nanalo ng best picture ang coming-of-age debut feature na 2 Cool 2 Be 4gotten ni Vargas sa Cinema One Originals Film Festival 2016. Kasama naman ang Some Nights I Feel Like Walking sa limang (5) projects na napili para sa pangatlong edition ng Southeast Asia Fiction (SEAFIC) Film Lab, isang intensive script development lab para sa Southeast Asian filmmakers. Si Vargas ang unang Filipino participant ng nasabing lab.

Co-produced nina Jade Castro at Alemberg Ang ang Some Nights I Feel Like Walking. Sa kasalukuyan, nasa pre-production stage ang film project.

Sa Director‘s Note, sinabi ni Vargas,  ”Layunin ng pangalawa kong pelikula na maging larawan ito ng bansa (at ng siyudad, inang bayan, at mga tao) tulad ng nakikita sa mga eskinita’t mga anino. Ang paglalakad sa Maynila sa gabi ay isang ‘revelatory peek’ sa mga Filipinong kabataan na nasa laylayan ng lipunan.”

Ang Open Doors Hub ng Locarno Film Festival ay gaganapin mula Agosto 7 hanggang 13, 2019, habang ang 72nd Locarno Film Festival naman ay mangyayari mula Agosto 7hanggang 17, 2019. Ito ang isa sa mga pinakamatanda’t pinaka-prestihiyosong film festivals sa buong mundo na nagtatampok ng arthouse films.

About hataw tabloid

Check Also

Pokwang Ella Cruz

Pokwang binuweltahan ng fans ni Ella  

I-FLEXni Jun Nardo KINAMPIHAN pero nabatikos din si Pokwang sa komento niya sa statement ni Ella Cruz na “history …

Blind Item, male star, 2 male, gay

Beki handang suportahan si male star ‘pag mawalan ng trabaho

ni Ed de Leon NAGSABI naman daw ang isang bading na ka-on din yata ng isang male star na …

Ambeth Ocampo Ella Cruz

Pinoy historian umentra sa pasabog ni Ella

HATAWANni Ed de Leon ANG lakas ng tawa namin nang makita sa isang social media …

Tirso Cruz III Johnny Revilla Bongbong Marcos BBM

Tirso Cruz III bagong FDCP chair, Johnny Revilla sa MTRCB

UMAGA pa lang kahapon, July 5 umugong na ang balitang pinalitan na si Liza Dino Seguerra bilang Film …

Euriz Sagum John Rey Malto

Euriz Sagum, handa na sa mundo ng showbiz

ALAM MO NA!ni Nonie Nicasio SI Euriz Sagum ay 18 taong gulang at kasalukuyang gumagawa …

Leave a Reply