Lani, nagpapaka-OA

BATBAT man ng mga kuwento ng pandaraya, tapos na ang eleksiyon.

At sa Magic 12 , nakalusot na nga sa ika-sampung puwesto si Bong Revilla na muntik pang malaglag.

Ang aktibo ngayon sa Twitter on his behalf ay ang literal niyang betterhalf, si Lani Mercado na mayor-reelect sa Bacoor City, Cavite.

Mas ikatutuwa pa ng mga taga-Bacoor kung ang mga ipino-post ni Lani ay mga salita ng pasasalamat sa mga taong muling nagtiwala sa kanya. Ang kaso, hindi.

May hanash siya na hindi raw kailangangang magpaka-mean (read: magpakasama) ang isang tao para lang makakuha ng atensiyon. May tinatawag daw na GMRC sa social media.

Nasasaktan daw kasi siya kapag ikinakabit ang pandarambong kay Bong.  Dahil sa kanyang tinuran, bumuhos ang mga banat kay Lani.

GMRC raw bang maituturing ang kasong kinasangkutan ng kanyang asawa?

Kung tutuusin, si Lani na rin ang nag-imbita ng ikaaalipusta nilang mag-asawa? Mantakin n’yong sa halip na magpaka-magnanimous siya sa pagkapanalo ni Bong ay may GMRC-GMRC pa siyang nalalaman?!

Tumigil ka na, Lani. Labag man sa mas maraming Pinoy ang pagkakapasok ni Bong sa Magic 12 ay wala nang magagawa pa.

Election is over, kaya huwag kang overacting!

HOT, AW!
ni Ronnie Carrasco III