Tuesday , July 5 2022
BAKAS ni Kokoy Alano
BAKAS ni Kokoy Alano

Kalokohan sa 4 P’s at PWD benefits dapat harapin din ni Greco Beljica

MATAGAL nang tinutuligsa ang walang habas na pamamahagi ng Pantawid Pamilyang Pilipino Program o 4Ps at maging ang paggamit ng ID ng mga pekeng persons with disability (PWD) at senior citizens na umaabuso sa programa ng gobyerno.

Ang mga nasabing benepisyo ay naka­aalarma na dahil maaaring ginagawa na itong raket o political machineries ng mga buhong na local officials partikular ng mga barangay sa buong bansa.

Malaking kawalan sa gobyerno at negosyo ang ganitong modus o raket dahil bukod sa pamumudmod ng bilyones na salapi ng bayan sa paraaan ng 4Ps ay nawawalan naman ng 20% na tutubuin sa paninda ang mga negosyante at kalakip nito ang 12% na nawawalang koleksiyon sa value added taxes na dapat ay karagdagang pondo sa kaban ng bayan.

Ang mga ganitong tao ay maaaring ihanay na rin sa bilang ng economic saboteurs sa bansa na dapat managot dahil ito ay isang uri ng krimen.

Patuloy ang pagdami ng bilang ng disabled persons at 4ps beneficiaries na hindi naman nararapat bigyan. May beneficiaries na may ikinabubuhay naman talaga at karamihan sa kanila ay may bisyo pa. Kung paano at bakit nabibigyan ng ganitong benepisyo ang ganitong klase ng mamamayan ay maaari nating isisi sa baldado ding sistema ng politika sa bansa.

Isa ito sa dapat pagtuunan ng pansin ni Presidential Anti-Corruption Commissioner Greco Beljica kung totoong nagtatrabaho sila, sapagkat malaking anomalya rin ang nasa likod nito na maaaring pinaaandar ng mga  buhong na mga opisyal ng gobyerno. Gets mo ba Greco?

Mariin daw na pinagtutuunan ng pansin ni PACC Chairman Greco Beljica ang korupsiyon sa gobyerno, pero napapansin na rin ng mga usisero na mabagal yata ang usad nito. Silipin kaya ni Greco ang kutsabahan ng COA at ilang opisyal ng gobyerno, partikular ang mga halal ng bayan na namomorsiyento sa bawat proyekto at suppliers na nagdedeliber ng mga produkto na kompleto sa bilang pero puwedeng ibalik at kasunod ay suklian… posible ‘di po ba?

Sige na nga! Abatan na lang natin ang mga susunod na kabanata.

BAKAS
ni Kokoy Alano

About Kokoy Alano

Check Also

FIRING LINE ni Robert B. Roque, Jr.

RIP, Nonoy Andaya

FIRING LINEni Robert B. Roque, Jr. ITINAKDA ngayong araw ang inurnment ni dating Camarines Sur …

AKSYON AGAD ni Almar Danguilan

Patay muna aso bago turok ng bakuna

AKSYON AGADni Almar Danguilan KAPAG namatay na ang aso, saka lang babakunahan para sa anti-rabies …

PROMDI ni Fernan AngelesI

MOA ni Gina Lopez, ibasura na

PROMDIni Fernan Angeles NANANAWAGAN ang mga katutubong magsasaka at mga residente ng Sitio San Roque, …

Dragon Lady Amor Virata

Kagulat-gulat na anunsiyo ni Parañaque newly elected mayor

Isumbong mokay DRAGON LADYni Amor Virata FIRST time in history sa local government ng Parañaque, …

Sipat Mat Vicencio

‘Butas ng karayom’ ang papasukin ni Bongbong

SIPATni Mat Vicencio ANG pormal na panunumpa ni Ferdinand “Bongbong” Marcos, Jr., bilang ika-17 pangulo …

Leave a Reply