Tuesday , June 25 2024

Kadenang Ginto, patuloy na humahataw

PINAKAPINANONOOD na serye sa hapon at mainit na pinag-uusapan pa rin ang Kadenang Ginto. Patuloy ang walang sawang suporta ng mga manonood sa mga nakagigigil na eksena nina Beauty Gonzales, Francine Diaz, Andrea, at Dimples Romana kaya naman nananatili ito sa kanilang trono.

Hindi natinag sa national TV ratings ang programa at kamakailan ay humataw sa all-time high rating na 27.3%, at araw-araw na nananatili sa 20%-mark, ayon sa datos ng Kantar Media.

Bukod sa telebisyon, malaking tagumpay din ang nakukuha ng serye sa online world dahil umabot na sa higit 800 million ang total views ng daily highlights nito sa YouTube, na halos bawat video ay pumapalo sa mahigit isang milyong views.

Marami rin ang pilit na humahabol sa past episodes ng serye dahil ito ang most watched program ng iWant para sa buong buwan ng Abril, na pumapalo naman sa 1.5 million ang daily views araw-araw.

Walang humpay din ang pagsulpot ng sari-saring memes tungkol sa serye na lubos na kinatutuwaan ng netizens. Marami rin ang gumagaya sa tarayan ng mge eksena ng palabas.

Samantala, isang pagkilala ang natanggap ng Kadenang Ginto matapos  gawaran bilang Best Daytime Drama Series sa2019 Golden Laurel Awards ng Lyceum of the Philippines-Batangas dahil sa pamamayagpag ng serye at mahusay na pagganap ng mga karakter nito.

Sa pagpapatuloy ng serye, marami pang pasabog ang gugulat at lalong magpapakapit sa mga manonood tuwing hapon sa mas makapigil-hiningang eksena ng mga mag-iina. Nagbibigay naman ng bagong timpla sa palabas ang pagpasok ng dating PBB Otso housemate na si Seth.

Kasabay ng tagumpay ng Kadenang Ginto, inilulunsad ng Dreamscape Entertainment ang The Gold Squad nina Francine, Kyle, Seth, and Andrea—apat na teenagers na masayahin, responsable, masipag, at mapagmahal sa pamilya na iba’t iba ang pinagmulan, kinalakihan, at pinagdaanan sa buhay. Maglulunsad ang The Gold Squad ng sari-saring proyekto na magdadala ng saya at makare-relate sa kanilang batang fans, kabilang na ang sarili nilang album sa ilalim ng Star Music.

SHOWBIZ KONEK
ni Maricris Valdez Nicasio

About Maricris Valdez Nicasio

Check Also

Blind Item, Matinee Idol, Mystery Man

Poging BL Star nalaglagan ng poppers at lubricant habang pinagkakaguluhan ng mga faney

ni Ed de Leon IYON namang isang Poging BL Star, nagbakasyon yata sa abroad. Nasalubong siya roon …

Blind Item, Men

Young Male Star madalas sa orgynuman, fave imbitahan sa secret gay parties

ni Ed de Leon NAALALA tuloy namin ang isang tsismis pang narinig namin, iyong si Young …

Ronnie Liang Harry Roque AR dela Serna

Ronnie Liang nadamay lang sa usaping Harry at AR

HINDI naman daw date ang nakita sa video na magkasama sina Ronnie Liang at Harry Roque. Iyon pala …

KDLex KD Estrada Alexa Ilacad

KDLex marami pang proyektong kaabang-abang

HOTTEST Musical Pair ang taguri ngayon kina KD Estrada at Alexa Ilacad o mas kilala sa kanilang tambalang KDLex. Mula …

Kathryn Bernardo Barbie Forteza David Licauco

Barbie sa pagkokompara kay Kathryn—big honor for me, sana makatrabaho ko siya

GRABE pala ang paghanga ni David Licauco kay Kathryn Bernardo. Maging si Barbie Forteza ay wish nitong makatrabaho ang Box-Office …

Leave a Reply

Your email address will not be published. Required fields are marked *