Francine at Andrea, nagkakasakitan na
HINDI naman naiwasan nina Francine at Andrea na magkasakitan na sa ilang mga eksena lalo’t may physical contact sila.
“’Yung unang-unang sabunutan namin, hindi ko ine-expect na ganoon pala (magkakasakitan) kapag may sabunutan na scene,” ani Francine o Cassie.
“Kabado po ako sa kinunang scene na ‘yun kasi hindi ko po siya (Andrea) kayang saktan.
“’Yung eksenang ‘yun unang nanampal si Cassie,” ani Andrea.
“Sobrang nagalit po ako sa kanya bilang si Cassie,” ani Francine. ”Noong lumaban na siya sa akin, pagkahampas niya tumilapon ang salamin ko. Nasabi ko na ‘Oh my God!’ ganoon pala ‘yun.”
Aminado rin sina Andrea at Francine na nadadala sila sa kani-kanilang eksena kaya kung minsan hindi nila makontrol ang galit.
“Pero sa mga latest na sabunutan namin, okey na natatawa na kami,” pahabol ni Francine. ”At bago po kami mag-away, tumatawa na kami kaya nahihirapan kaming ikontrol naman ang tawa na.”
At sa mga mang-iintriga kina Andrea at Francine, sorry na lang dahil super friends ang dalawa.
“Lumalabas kami para kumain sa mga Korean restaurant pero hindi pa kami lumalabas ng kung saan-saan pupunta or gigimik,” sambit pa ni Andrea.
SHOWBIZ KONEK
ni Maricris Valdez Nicasio
