Saturday , July 2 2022

Jerome Ponce at Jane Oineza bagay sa “Finding You”, Barbie Imperial kaibig-ibig sa pelikula

SA kanilang mediacon ay inamin ng lead actress ng “Finding You” na si Jane Oineza kung ano talaga ang naging score nila ng co-star niya sa pelikula na si Jerome Ponce.

“Masaya ako kasi nabigyan ulit kami ng opportunity na mag-work together bilang ang last nga namin ay Nasaan Ka Nang Kailangan Kita? (2015). Hindi ko akalain na mabibigyan kami ng chance kaya masaya ako.

“Hindi naman naging kami to begin with. Parang hindi lang nag-bloom. Parang puwede na makakarating naman sa ganon, kasi nag-uusap naman kami. May potential, pero hindi umabot don.

“I can’t say kung nag-work or hindi, kasi hindi pa namin na-try. Hindi umabot sa ganon,” paglilinaw ni Jane.

Samantala, nagpasalamat si Jane sa Regal Entertainment sa role na ipinagkatiwala sa kanya sa Finding You.

“I try lagi naman ‘pag binibigyan ako ng kahit ano’ng project, kahit anong role, ibinibigay ko ang everything ko sa role na ‘yon, lahat-lahat pati pagkatao ko.

“So masaya marinig na naa-acknowledge ‘yon, o napapansin ng mga nanonood ng mga nagbibigay ng projects sa ‘kin, na pinagka­katiwalaan pa rin ako sa next na projects.

“And mahilig din ako mag-experiment ng iba-ibang roles na hindi ko pa nagagawa or mga challenging, ‘yung mahirap,” sey ni Jane.

Naurirat din si Jerome tungkol sa kanila ni Jane. “Nanatili kaming magkaibigan, kasi madalas naman kaming nagkikita dahil ‘pag nagkikita kami, nagkukuwentohan nang matagal, tapos nagkakayayaan lumabas with other friends.”

Sa Finding You, gagampanan ni Jerome ang role ng isang social media journalist na si Nel na may hyperthymesia, na kabaligtaran ng amnesia.

Natatandaan lahat ng binata ang mga nangyari sa buhay niya simula nang magkaisip siya. At dahil sa kondisyong ito ni Nel ay hirap siyang makahanap ng mamahalin, kaya Finding You ang titulo ng movie.

Bride-to-be at bestfriend ni Nel si Kit (Jane), na laging nasa tabi niya sa hirap at ginhawa. Si Barbie Imperial ay kaibig-ibig naman ang taglay na ganda at kaseksihan sa pelikula.

Anyway, mapapanood ang Finding You sa 29 Mayo, mula sa Regal Entertainment. Bukod kina Jerome at Jane, kasama rin sa movie sina Barbie Imperial, Claire Ruiz, Kate Alejandro, Jon Lucas, Paeng Sudayan, mula sa direksiyon ni Easy Ferrer.

Para sa mga karagdagang impormasyon, i-follow ang Regal Entertainment, Inc., sa Facebook, at mag-subscribe sa YouTube channel nito. I-follow din ito sa Twitter: @RegalFilms at Instagram: @RegalFilms50.

VONGGANG CHIKA!
ni Peter Ledesma

About Peter Ledesma

Check Also

Kris Aquino Josh Bimby

Mag-iinang Kris, Josh, at Bimby nagpositibo sa Covid

SHOWBIZ KONEKni Maricris Valdez Nicasio INIHAYAG ni Kris Aquino na nagpositibo siya gayundin ang mga …

Dennis Padilla Leon Barretto Padilla

Emosyon ni Dennis ibinuhos sa sulat sa anak

MATABILni John Fontanilla PUNUMPUNO ng emosyon ang liham ni Dennis Padilla sa kanyang anak na lalaki kay Marjorie …

JC Santos Rhea Tan Shyleena Herrera Beautéderm BeautéHaus

Misis ni JC never pinagselosan si Bela

SHOWBIZ KONEKni Maricris Valdez Nicasio NAKABIBILIB ang ugali ng misis ni JC Santos tungo sa pagkakaroon ng …

John Lloyd Cruz Isabel Santos

Isabel Santos dinalhan ng cake si Lloydie

I-FLEXni Jun Nardo LUMANTAD na ang rumored girlfriend ni John  Lloyd Cruz na si Isabel Santos. Umapir si …

Isko Moreno Joaquin Domagoso

Yorme Isko lolo na 

I-FLEXni Jun Nardo WALANG sagot sa text namin si Daddie Wowie Roxas, manager ni Kapuso actor Joaquin …

Leave a Reply