Sunday , June 16 2024
electricity meralco

‘Oligarchs’ sa ‘Sweetheart deals’ kasuhan — Bayan Muna

NAIS panagutin ng grupong  Bayan Muna ang mga oligarka na nasa likod ng ‘sweetheart deals’ at dapat umanong kasuhan ang government officials na hinayaang mangyari ito.

Ipinahayag ito ni Bayan Muna Rep. Carlos Zarate sa desisyon ng Korte Suprema na ipinabasura  ang kontrobersiyal na kasunduan.

“We should not allow the greed of these energy oligarchs to continue. Those government officials who allowed this should be made accountable and charges must be filed against them,” ani Zarate

Aniya, ang desisyon ng Supreme Court ay tumutugma rin sa joint committee report ng House of Representatives na lumalabas na pinaglaruan ng ERC at Meralco ang Competitive Selection Process (CSP).

Matatandaan, naghain ang Bayan Muna ng Resolution 566 na naglalayong imbestigahan ang ERC at Meralco sa midnight sweetheart deals at lumabas sa house probe na binaluktot ng ERC ang kanilang panuntunan upang mapabigyan ang Meralco.

Kamakalawa, labis na ikinatuwa ni Zarate at Bayan Muna Chairman Makabayan senator candidate Neri Colmenares ang naging desisyon ng Korte Suprema na ipinababasura ang mga kasunduan na hindi dumaan sa CSP.

Sa desisyon na inilabas ni Senior Associate Justice Antonio Carpio, nakasaad dito ang ginawang pagmamalabis ng ERC sa pagpa­pahintulot sa Meralco at iba pang power utility distribution na hindi dumaan sa  CSP na paman­tayan ng ahensiya para magkaroon ng bidding at titiyak upang ang pinakamababang presyo ang magiging singil sa koryente para sa consumers.

Matatandaan na kinuwestiyon sa Supreme Court ng Alyansa Para sa Bagong Pilipinas, Inc. (ABP)  ang ginawang pagpapahaba ng deadline ng ERC sa compliance ng CSP nang dalawang beses mula 30 Hunyo 2015 hanggang Nobyembre 2015 at Abril 2016 na naging dahilan upang makapagsumite ng pitong Power Supply Agreements (PSA) ang Meralco sa sarili rin nilang kompanya na hindi dumaan sa biddings.

Tinatayang nasa mahigit 90 PSA application ang tinanggap ng ERC na lumabag sa bidding ng CSP.

”This is a very positive development because it spared consumers another burden that we would have to bear for 20 years. We commend ABP for its vigilance. Their victory is a victory for all electricity consumers in the country,” saad ni Colmenars na dating legal adviser ng ABP.

“We believe that some ERC officials bent backwards several times to accommodate these Meralco power deals. The ERC should now scrap those sweetheart deals and require Meralco to undergo competitive bidding for its power supply,” dagdag ni Colmenares.

About hataw tabloid

Check Also

DOST 1 opens ‘smart and sustainable’ workshop in Laoag City

DOST 1 opens ‘smart and sustainable’ workshop in Laoag City

THE Participatory Planning and Road Map Development Workshop towards a Smart and Sustainable City of Laoag kicked off …

Las Piñas LGU may bagong environmental at health vehicles

Las Piñas LGU may bagong environmental at health vehicles

PINABASBASAN ng pamahalaang lungsod ng Las Piñas ang nakuhang mga bagong sasakyang pangkalikasan at pangkalusugan …

10,000 trabaho handog ng pasay LGU sa Kalayaan Job Fair

10,000 trabaho handog ng pasay LGU sa Kalayaan Job Fair

ISANG mega job fair ang inihandog ng lokal na pamahalaan ng lungsod ng Pasay kahapon …

Chavit Singson

Chavit Singson mamimigay ng P7-M sa kanyang kaarawan

MAMAMAHAGI si dating governor Luis “Chavit” Singson ng saya at kabutihang-loob sa pagdiriwang ng kanyang kaarawan ngayong taon. …

Sam Verzosa Yul Servo

VM Yul at Rep Sam magsasalpukan sa pagka-Manila mayor 

I-FLEXni Jun Nardo NAGPAPARAMDAM na ang bofriend ni Rhian Ramos na si partylist representative Sam Versoza sa ilang barangay …

Leave a Reply

Your email address will not be published. Required fields are marked *