Friday , March 29 2024

Anna Luna, inabot ng nerbiyos sa audition ng Darna

TAGA-DOS ang baguhang female star na si Anna Luna kaya isa siya sa mga nag-audition para maging Darna.

Kumusta ang naging audition niya para maging iconic Filipina superhero sa pelikula?

Okay naman ho, okay naman ho.”

Nakanenerbiyos ang experience, ayon kay Anna.

Nag-Darna costume ba siya?

Wala, walang costume po. Reading lang at saka kunwari sinasalag-salag mo ‘yung mga bala.”

Mabilis pumayag si Anna nang sabihan siya ng Star Magic na mag-audition.

Kasi parang… siguro ho kung magkaka-chance ang mga artista, lalo na ang mga kababaihan, papangarapin nila talagang mag-Darna.

“Dyusko, iyon si Darna! Sabi ko, ‘Naku kinakabahan ako!’

“Kasi  noong audition, akala ko titingnan ‘yung katawan, sabi ko hindi pa ako prepared, galing ako ng handaan,” at tumawa si Anna.

“Mga ganyan ho. Pero nag-reading lang naman ho. At saka hindi lang naman ako, marami rin akong  kasabay.”

Inci­dentally ay kaibigan ni Anna ang isa sa mga nangu­nguna sa listahan na napipisil na maging Darna, si Nadine Lustre.

Magkasabay kami simula 17 years old sa Viva. Tapos hanggang ngayon, ‘yung relasyon namin hindi dahil sa showbiz na ganoon, hindi.”

Na kahit mga artista na sila, lalo na si Nadine na sikat na ngayon, ay nanatili ang friendship nila.

“‘Yung family niya at saka ‘yung family ko, friends.”

Kaya sa taong namin kay Anna kung ano ang mayroon siya na wala si Nadine para maging Darna, “Hindi ko ho alam,” at tumawa si Ana.

Kaya kung hindi siya mapipili na maging Darna, para kay Anna, ayos lang basta si Nadine ang mapili?

Oho! Ako masaya ako dahil unang-una, kaibigan ko ‘yun.

“Dyusko! Parang ang paglipad niya ay paglipad ko na rin!”

Isa rin sa top contenders na maging Darna ay si Miss Universe 2015 Pia Wurtzbach, ano ang mayroon si Anna na wala si Pia?

Dyusko, Miss Universe po ‘yun!

“Hindi ko kaya! Baka pag-ako nag-Miss Universe mag-Harlem lang po ko roon, hindi ko alam kung ano ang isasagot ko,” at tumawa si Anna.

Si Anna ay si Anna sa Tayo Sa Huling Buwan Ng Taon na pinagbibidahan din nina Nicco Malano (as Sam), Vera (as Isa), at Alex Medina (as Frank).

Ang pelikula ay idinirehe ni Nestor Abrogena at ipalalabas sa mga sinehan bukas, May 8.

RATED R
ni Rommel Gonzales

About Rommel Gonzales

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *