Saturday , June 15 2024

Endoso ng INC at El Shaddai target ni Villar

UMAASA si reelectionist Senator Cynthia Villar sa suporta at endoso ng  religious group na Iglesia ni Cristo na kilalang may block vote na pinamu­munuan ng  pamilya Manalo at ng El Shaddai na pinamumunuan ni Bro. Mike Velrade.

Ayon kay Villar, ang kanilang igagawad na suporta at endoso sa kanyang kandidatura ay lubhang mahalaga at malaking tulong para siya ay manalo sa 13 Mayo 2019 elections.

Binigyang-linaw na bagama’t hindi nag-eendoso nang lantaran ang ibang religious group pero nagpapasalamat siya dahil siya ay iniimbitahan sa kanilang mga gawain.

Inaasahan sa Sabado ay tuluyan nang ihahayag ng El Shaddai kung sino-sinong kan­di­dato ang kanilang susuportahan sa pagkasenador samantala ang hu­ling  linggo o araw ng pagsamba ng INC bago ang hala­lan ay pinag­kaka­looban ng sample ballot na naka­sulat  ang panga­lan ng mga kandi­datong sinusu­portahan ng INC.

Kaugnay nito, tiniyak ni Villar na hindi siya titigil at magiging kampante sa kanyang pangangampanya sa natitirang sampung araw.

Ito ay sa kabila na siya ang nanguna sa pinakahuling resulta ng Pulse Asia survey na naungausan niya si reelectionist senator Grace Poe.

Iginiit ni Villar, mahalagang malaman ng bawat mamamayang Filipino ang kanyang mga programa at palataporma de gobyerno sa  sandaling siya ay mahalal muli na senado bukod sa paglalahad ng kanyang mga nagawa na.

Si Villar ay nakalikha nang mahigit sa 100 school farm para mas lalong malinang ang kaalaman ng mga magsaska ukol sa pagtatanim at masabayan ang makabagong tekonolohiya at alternatibong pagtatanim sa panahon ng El Niño at La Niña na nagawa sa iba’t ibang panig ng bansa bukod sa livelihood program na kanyang ipinapatupad sa tulong ng VILLAR Sipag.

Gayondin ang pagkakaloob ng financial at livelihood assistance sa ating mga kababayang overseas Filipino workers (OFWs).

(NIÑO ACLAN)

About Niño Aclan

Check Also

DOST 1 opens ‘smart and sustainable’ workshop in Laoag City

DOST 1 opens ‘smart and sustainable’ workshop in Laoag City

THE Participatory Planning and Road Map Development Workshop towards a Smart and Sustainable City of Laoag kicked off …

Las Piñas LGU may bagong environmental at health vehicles

Las Piñas LGU may bagong environmental at health vehicles

PINABASBASAN ng pamahalaang lungsod ng Las Piñas ang nakuhang mga bagong sasakyang pangkalikasan at pangkalusugan …

10,000 trabaho handog ng pasay LGU sa Kalayaan Job Fair

10,000 trabaho handog ng pasay LGU sa Kalayaan Job Fair

ISANG mega job fair ang inihandog ng lokal na pamahalaan ng lungsod ng Pasay kahapon …

Chavit Singson

Chavit Singson mamimigay ng P7-M sa kanyang kaarawan

MAMAMAHAGI si dating governor Luis “Chavit” Singson ng saya at kabutihang-loob sa pagdiriwang ng kanyang kaarawan ngayong taon. …

Sam Verzosa Yul Servo

VM Yul at Rep Sam magsasalpukan sa pagka-Manila mayor 

I-FLEXni Jun Nardo NAGPAPARAMDAM na ang bofriend ni Rhian Ramos na si partylist representative Sam Versoza sa ilang barangay …

Leave a Reply

Your email address will not be published. Required fields are marked *