Thursday , March 28 2024

Bowles, balik PBA bilang RoS import

MAGBABALIK-PBA ang kilalang Bmeg (Magnolia ngayon) import na si Denzel Bowles ngunit hindi sa kanyang dating koponan.

Magsisilbing reinforcement si Bowles sa Rain or Shine para sa paparating na 2019 PBA Commissioner’s Cup.

Kinompirma ito ni head coach Caloy Garcia kahapon.

Inaasahang darating ang 30-anyos na si Bowles sa susunod na linggo dalawang taon matapos ang huling punta sa PBA.

Bagamat sa Bmeg nakilala, magsisilbi sanang import si Bowles ng Talk ‘N Text noong 2017 Commissioner’s Cup ngunit hindi natuloy bunsod ng hindi pagkakaunawaan.

Dating Best Import noong 2012 si Bowles kung kailan ginabayan niya sa kampeonato ang Bmeg matapos ang krusyal na seven-game series kontra sa TNT.

Dalawang beses pa siyang naglaro para sa Purefoods franchise, pinakahuli noong 2016, ngunit hindi na rin nagbunga dahil hindi na niya natapos ang kampanya bunsod ng family matters. Huli siyang naglaro para sa Kanazawa Samuraiz sa Japanese B.League kung saan niya nadala sa fifth place finish ang koponan sa likod ng 21.9 puntos, 11.4 rebounds at 3.1 assists.

Magugunitang si Reggie Johnson sana ang import ng Rain or Shine ngayon bago nauwi kay Bowles.

Noong nakaraang taon ay dinala ni Johnson sa top seed finish ang Elasto Painters ngunit nalaglag sa semi-finals kontra Ginebra.

(JOHN BRYAN ULANDAY)

About John Bryan Ulanday

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *