Thursday , June 13 2024

Manicad nanghimok ng bagong pangalan at mukha sa politika sa mga botante

HINIHIKAYAT ng broadcast journalist at senatorial candidate Jiggy Manicad kahapon ang mga botante na pumili ng mga bagong pangalan at mukha sa darating na halalan matapos ang pinag-usapang awayan ng magkapatid na Binay sa Makati.

“This should serve as a wake-up call to the electorate, especially the youth, to consider new names and new faces among those seeking public office,” aniya.

Sa isang pag-aaral ng Ateneo de Manila School of Government na ginawa mula 2007 hanggang 2016 ukol sa political dynasties, nakita sa datos na ang bilang ng mga posisyong hawak ng mga miyembro ng political clans ay tumaas mula 75% hanggang 78% sa mga kongresista; 70% hanggang 81% sa mga gobernador; at 58% hanggang 70% sa mga alkalde.

Nakita rin sa pag-aaral na ang mga pinaka­ma­la­king political dynasty ay matatagpuan sa pinakamahirap na lugar sa bansa.

“Alam naman natin na mas malakas ang sina­sabing name recall ng mga kilalang apelyido ngunit dapat tumingin ang mga botante hindi lamang sa kasikatan ng kandidato kundi sa abilidad at plataporma nito,” sabi niya.

Sinabi ni Manicad na sa isang demokrasya tulad ng Filipinas, ang mga bagong ideya ay maaa­ring lumikha ng mga panibagong solusyon sa mga problemang matagal nang kinakaharap ng mga Filipino.

“When you are able to bring new faces with new ideas, and mix that with the experience and wisdom of more veteran politicians, this is going to be good for the people they vow to serve,” ani Manicad.

Sa Senado, aniya, kailangan maintindihan ng taong bayan na dapat nilang iboto ang mga kandidatong tunay na kumakatawan sa kanila.

“Ang Senado ay hindi dapat magsilbing listahan ng mga kilalang political dynasty sa bansa. Ito ay dapat na listahan ng iba’t ibang represen­tante mula sa iba’t ibang sektor at grupo sa bansa,” sabi ni Manicad.

Dagdag niya, “Let’s break the status quo and change the face of politics in the country.” (JG)

About Jaja Garcia

Check Also

Migz Zubiri Pope Francis

Pope Francis binulungan si Migz: Protektahan ang pamilyang Filipino

“PINAKIUSAPAN ako ni Pope Francis to ‘protect the family,’ at isasapuso ko ang sinabi niyang …

Imelda Papin PCSO

Imelda Papin kompiyansang maraming matutulungan sa kanyang Isang Linggong Serbisyo

SHOWBIZ KONEKni Maricris Valdez Nicasio KAHAPON ang unang araw ng OPM icon at Jukebox Queen Imelda …

shabu drug arrest

Tulak timbog sa Navotas buybust ops

ARESTADO ang isang lalaki na sinabing sangkot sa pagtutulak ng ilegal na droga matapos kumagat …

Pastor Quiboloy

Warrant of arrest isinilbi vs Quiboloy, 5 iba pa

NAGTUNGO ang Philippine National Police-Criminal Investigation and Detection Group (PNP-CIDG) at Special Action Force (SAF) …

Bagong Pilipinas Hymn

Hymn at pledge ng Bagong Pilipinas pang-Executive lang — SP Escudero

TAHASANG sinabi ni Senate President Francis “Chiz” Escudero na hindi maaring ipilit sa senado, sa …

Leave a Reply

Your email address will not be published. Required fields are marked *