Monday , July 4 2022

Congressman Erice, kompiyansang pasok si Mar Roxas sa top 12

KOMPIYANSA si Caloocan City Congressman Egay Erice na makababalik sa senado si dating DTI secretary Mar Roxas dahil patuloy ang pagbuhos ng suporta sa kanya ng publiko.

Minaliit ni Erice ang inilabas na resulta ng Pulse Asia survey na nagpapakita na wala sa magic 12 ang pangunahing kandidato ng oposisyon.

Ayon kay Erice, campaign manager ni Roxas, masyado nang delayed ang 10-14 April Pulse Asia survey dahil katapusan na ng buwan at marami nang nangyari sa nakaraang dalawang linggo.

Sinabi ni Erice na 10 araw nawala si Roxas dahil sinundo ang kanyang mag-iina sa Amerika pabalik ng bansa ngunit naging agresibo ang kampanya at pag-iikot niya nang dumating.

“Kaya nga sa aming internal surveys, kasama ang Magdalo survey na may petsang April 23 at 25, nasa top 12 na si Mar at naniniwala kaming patuloy pa itong tataas sa mga darating na araw,” sabi ni Erice.

Pinasalamatan din ni Erice ang mga mamamayan sa mainit na pagtanggap kay Roxas saanmang lugar siya mapunta kaya malaki umano ang tsansa na sa huling bahagi ng kampanya ay mararamdaman ang paglakas ng dating kalihim.

“Kung mayroon mang malinis, matalino at totoong naglingkod sa bayan nang walang bahid, walang iba kundi si Secretary Roxas ‘yan kaya alam kong malaking factor ito sa pananatili niya sa top 12,” sabi ni Erice.

About hataw tabloid

Check Also

Lani Cayetano Alan Peter Cayetano Taguig 1

Panunumpa sa tungkulin sa Taguig City

MASAYANG nanumpa si Taguig City Mayor Lani Cayetano kay Hon. Judge Antonio Olivete sa pormal …

Ruffy Biazon Muntinlupa oathtaking 1

PORMAL na nanumpa ang bagong chief executive ng Muntinlupa City

PORMAL na nanumpa ang bagong chief executive ng Muntinlupa City na si Mayor-elect Ruffy Biazon …

Mel Aguilar April Aguilar Las Piñas Feat

Mel at April Aguilar nanumpa sa kanilang tungkulin si Las Piñas City

SABAY na nanumpa sa kanilang tungkulin si Las Piñas City Mayor Imelda “Mel” Aguilar at …

Para sa surgical mission sa Bohol Eye doctors inilipad ng Cebu Pacific

Para sa surgical mission sa Bohol Eye doctors inilipad ng Cebu Pacific

INIHATID ng Cebu Pacific Air sa lungsod ng Tagbilaran, sa lalawigan ng Bohol noong nakaraang …

Bongbong Marcos BBM

Pagbasura sa DQ kay Marcos ‘di nakapagtataka – Makabayan

HINDI, umano, nakapagtataka ang desisyon ng Korte Suprema na ibasura ang mga petisyon na idiskalipika …

Leave a Reply