Monday , June 24 2024
shabu drug arrest

Sa buy bust ops… Mister, huli sa bala’t shabu

SWAK sa kulungan ang isang mister na sangkot sa ilegal na droga at sa ilegal na pagbebenta ng mga bala ng baril matapos maaresto ng pulisya sa isinagawang buy bust operation laban sa firearms ammunition sa Caloocan City, kamakalawa ng gabi.

Kinilala ni NPD District Special Operation Unit (DSOU) P/Lt. Melito Pabon ang naarestong suspek na si Richard Flores, 40 anyos, residente sa Block 28 Lot 2 Tulingan St., Dagat-Dagatan  ng nasabing lungsod.

Batay sa ulat ni P/Cpl. Mark Jhovie Sales, dakong 8:00 pm nang maaresto ang suspek sa harap ng bahay sa isinagawang buy bust operation ng pinagsamang mga operatiba ng DSOU sa pangunguna ni Pabon at ng Caloocan police sa pamumuno ni P/Col. Restituto Arcangel.

Bago ang pagkakaaresto sa suspek, unang nakatanggap ng impormasyon ang mga operatiba ng NPD-DSOU hinggil sa ilegal na pagbebenta ng mga bala ng baril ni Flores kaya isinailalim ng pulisya sa surveillance operation.

Kaya nang maging positibo ang impormasyon agad ikinasa ang buy bust operation of firearms ammunition laban sa kanya.

Matapos iabot ng suspek sa isang police na umaktong poseur-buyer ang 11 pirasong bala ng cal. 38 revolver kapalit ng P200 marked money agad siyang dinamba ng mga operatiba.

Narekober din sa suspek nang kapkapan ang 10 plastic sachet na naglalaman ng hindi pa mabatid na halaga ng hinihinalang shabu at buy bust money. (ROMMEL SALES)

About Rommel Sales

Check Also

Toll collection sa Cavitex suspendido nang 30 araw

IPINAHAYAG ni Pangulong Ferdinand Marcos, Jr., ang magandang balitang natanggap niya mula sa Philippine Reclamation …

Bamban mayor, 13 pa inasunto sa ilegal na POGO

NAHAHARAP sa isang asuntong kriminal  si Bamban, Tarlac Mayor Alice Guo kasama ang 13 iba …

Sa asuntong human trafficking  
MAYOR ALICE GUO KOMPIYANSA VS PARATANG  
Walang ebidensiya para tawaging kasabwat

HATAW News Team NANINDIGAN si Bamban Tarlac Mayor Alice Guo na wala siyang koneksiyon sa …

Two DOST Region 02 Women Earn Certification as CagVal RPGRPs 1

Two DOST Region 02 Women Earn Certification as CagVal RPGRPs

The Department of Science and Technology (DOST) Region 02 is proud to announce that two …

SM Fire Volunteers 1

BFP, DILG, and SM Prime empower communities through 1st fire volunteers assembly

In a demonstration of its commitment to community safety, the Bureau of Fire Protection (BFP) …

Leave a Reply

Your email address will not be published. Required fields are marked *