Thursday , June 13 2024

ARAL prayoridad ng Ang Probinsyano Party-list 

PRAYORIDAD ng Ang Probinsyano Party-List ang pagsusulong ng programang Access Roads to all Learners (ARAL) sa pakikipag-ugnayan sa DPWH.

“Ang edukasyon ay malaking bahagi ng pag-aangat ng antas ng pamumuhay ng mga nangangailangan nating mga kababayan sa probinsya kaya’t ito ay isa sa mga focus areas ng Ang Probinsyano Party-List,” ayon kay APPL nominee at youth advocate na si Alfred Delos Santos.

“Sa pamamagitan ng programang Access Roads to All Learners, masisiguro natin na ang mga kabataan sa malalayo at liblib na barangay ay makakukuha pa rin ng tamang edukasyon at makapagtatapos ng kanilang pag-aaral. Hangad namin na magkaroon ng mas maraming oportu­nidad pang-edukasyon sa bawat probinsya para maibsan ang kahirapan,” dagdag ni Delos Santos.

Ang pagkakaroon ng maayos na daan ay malaking bahagi ng pag-angat ng ekonomiya ng isang rehiyon kaya’t prayoridad ng Ang Probinsyano Party-list ang pagpapagawa ng mga daan at kalsada sa mga kanayunan at para mapadali ang pagpunta mula rito hanggang sa mga sentrong lugar ng rehiyon, ani  Delos Santos.

“Kinikilala namin na ang makapunta sa paaralan ay isang mahalagang isyu sa mga pamilya na nais magkaroon ng tamang edukasyon ang kanilang mga anak, lalong-lalo na para roon sa mga nakatira sa mga lugar na “geographically isolated, disadvantaged and conflict-afflicted areas o GIDACs.

“Nais naming mapataas ang literacy rate sa bawat barangay sa probinsya at magagawa natin ito kapag ang pagpunta sa mga paaralan ay magiging mas madali para sa kanila,” paliwanag ni Delos Santos.

Ayon sa 2013 Functional Literacy, Education and Mass Media Survey (FLEMMS), ang Filipinas ay nagtalaga ng 90.3% rate na nanga­ngahulugang may siyam mula sa sampung Filipino na may edad 10-64 ay masasabing “functionally literate.”

“Ayaw natin na marunong lamang magbasa ang ating kabataan, dapat nating iangat ang antas ng kanilang edukasyon para maging globally competitive ang susunod na henerasyon ng mga Pinoy,” sabi ni Delos Santos.

About hataw tabloid

Check Also

Migz Zubiri Pope Francis

Pope Francis binulungan si Migz: Protektahan ang pamilyang Filipino

“PINAKIUSAPAN ako ni Pope Francis to ‘protect the family,’ at isasapuso ko ang sinabi niyang …

Imelda Papin PCSO

Imelda Papin kompiyansang maraming matutulungan sa kanyang Isang Linggong Serbisyo

SHOWBIZ KONEKni Maricris Valdez Nicasio KAHAPON ang unang araw ng OPM icon at Jukebox Queen Imelda …

shabu drug arrest

Tulak timbog sa Navotas buybust ops

ARESTADO ang isang lalaki na sinabing sangkot sa pagtutulak ng ilegal na droga matapos kumagat …

Pastor Quiboloy

Warrant of arrest isinilbi vs Quiboloy, 5 iba pa

NAGTUNGO ang Philippine National Police-Criminal Investigation and Detection Group (PNP-CIDG) at Special Action Force (SAF) …

Bagong Pilipinas Hymn

Hymn at pledge ng Bagong Pilipinas pang-Executive lang — SP Escudero

TAHASANG sinabi ni Senate President Francis “Chiz” Escudero na hindi maaring ipilit sa senado, sa …

Leave a Reply

Your email address will not be published. Required fields are marked *