Friday , March 29 2024

Isyung Scarborough shoal huwag gamitin sa kampanya — Manicad

NAGBABALA ang broadcast journalist na si Jiggy Manicad tungkol sa pagpapabida ng mga kandidato sa halalan kaugnay sa isyu ng teritoryo sa Scarborough shoal.

Aniya, isa itong sensitibong isyu na hindi puwedeng basta gamitin sa politika.

“We must avoid turning these sensitive issues towards our advantage as political candidates. Hindi ito simpleng sortie o project na puwede po nating gamitin for publicity. The dispute is an extremely sensitive issue that should not be taken lightly,” ani Manicad.

Ito ang naging pahayag ng mamamahayag, isang araw matapos magtangka ang mga kandidato ng “Otso Diretso” na mamangka mula sa Masinloc, Zambales patungo sa Scar­borough shoal upang itanim ang bandila ng Filipinas.

Inilinaw ni Manicad, narara­pat na pag-usapan ng mga kandidato ang kanilang opinyon ukol sa sinasabing pananakop ng Tsina sa ilang bahagi ng teritoryo ng Filipinas.  Sa kabila nito, aniya, kaila­ngan pa rin iwasan ng mga kandid­ato ang anumang aksyon na maaaring magdulot ng gulo lalo na’t kahina-hinala ang timing ng pagkilos.

“By all means, we should talk and debate about the issue because we are Filipinos and this concerns all of us. In fact, tama po ‘yung ginawa ng ating mga colleague sa media na sinubukan nilang kunin ang pahayag ng mga mangingisda roon,” ani Manicad.

Tinutukoy ni Manicad ang tangka ng isang Filipino TV crew na mag-interbyu ng mga mangi­ngisda sa Scarborough shoal para sa isang documentary noong 2018.

Pinagbawalan ang nasabing crew ng Chinese Coast Guard.

Dagdag ni Manicad, “Tama rin po na nag-a-assert ng presence ang ating pamahalaan doon kasi pag-aari natin ang lugar na iyon. But if you are a candidate, and if it is the election period, then the motive and timing is suspicious.”

“Even we in the media have ethics and guidelines when it comes to conflict and territorial disputes. We will never risk any move, for example, that will provoke action from either side of the dispute,” inilinaw ng batikang journalist. (JG)

About Jaja Garcia

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *