HATAW! D'yaryo ng Bayan hatawtabloid.com
NASA taping kami ng Magandang Buhay nitong Huwebes na si Arjo Atayde (umere kahapon, Lunes) ang special guest nina Karla Estrada, Melai Cantiveros, at Jolina Magdangal. Inamin ng aktor na sobra siyang clingy sa babaeng idine-date niya, si Maine Mendoza.
Base sa kuwento ng aktor sa MB hosts kung paano niya ipinakikita ang pagmamahal niya kay Maine, “Quality time. Clingy ako, eh. Clingy akong tao. I love her company so much. So it’s always something I look forward to and I’m very thankful for.”
Nabanggit din ng bida ng Bagman at leading man ni Jessy Mendiola sa Stranded na lumang estilo ang panliligaw niya at nakaramdam ng nerbiyos nang magpakilala siya sa magulang ni Maine.
”Of course, mayroon (nerbyos), since its new. May kaba all the time. ‘Pag humaharap sa family,” pag-amin ng binata.
Humirit si Karla ng tanong kay Arjo kung may kaba pa ba, eh, magkarelasyon na sila ni Maine?
Ang bilis ng sagot ng aktor, “Dating, It’s still there. The fun thing about a relationship, hindi ka puwedeng tumigil sa pagliligaw.”
FACT SHEET
ni Reggee Bonoan
