Saturday , July 2 2022

Perez, bayani sa Pangasinan

HINDI binigo ni CJ Perez ang kanyang mga kababayan matapos magningning sa katatapos na 2019 PBA All Star Weekend na ginanap sa Calasiao, Pangasinan.

Tubong Bautista, Pangasinan, hindi ipinahiya ni Perez ang mga kapwa Pangasinenses nang buhatin sa 141-140 tagumpay ang koponang Rookies-Sophomores kontra sa mga kuya nilang Juniors kamakalawa ng gabi sa Calasiao Sports Complex.

Umariba ang Columbian Dyip guard na si Perez sa 32 puntos, 8 rebounds at 3 assists upang tanghaling Most Valuable Player sa pagbabalik ng RSJ game bilang selebrasyon sa ika-30 taon ng PBA All Star.

“Na-inspire lang ako maglaro kasi nga nandito ako sa hometown ko. Gusto ko ipakita roon sa mga kababayan ko, ma-inspire ko sila,” ani Perez na dating MVP ng NCAA mula sa Lyceum.

Inamin din ni Perez na dumaan muna siya sa kanilang bayan bago pumunta sa Calasiao upang kumuha ng lakas, inspirasyon at buwenas sa kanyang mga pamilya.

“Oo dumaan muna ako sa amin. Sana napasaya namin ang mga Pangasinense lalo ang pamilya na nanood din dito ngayon,” dagdag ng 25-anyos na guwardiya.

Magugunitang ito ang unang salang ni Perez sa All Star matapos mapili bilang top overall pick 2018 PBA Rookie Draft noong nakaraang Disyembre.

“First time ko sa All Star. It’s an honor,” dagdag niya.

“First time ko tapos isinali ako sa Slam Dunk. Hindi man ako nanalo, it’s an honor na makasali sa Slam Dunk sa PBA kasi minsan-minsan lang mangyari ‘yun. Tapos nanalo kami rito, talagang it’s an honor na maibibigay namin sa sarili namin at sa history rin ng PBA.”

Bukod sa RSJ Game, sumali rin si Perez sa slam dunk contest pero pumangatlo lamang kay Renz Palma ng Blackwater at kampeon na si Rey Guevarra ng Phoenix.

Mayroon ding ibang Pangasinense na nagbandera sa probinsiya sa pangunguna ni Marc Pingris (tubong Pozzorubio), Gabe Norwood (Calasiao) at Jason Perkins (Phoenix).  (JOHN BRYAN ULANDAY)

About John Bryan Ulanday

Check Also

Conor McGregor Floyd Mayweather

Rematch ng Conor McGrecor vs Floyd Mayweather tsismis lang

LALABAN muli sa UFC  si Conor McGregor sa  pagtatapos ng 2022 o sa kaagahan ng …

Gilas Pilipinas FIBA World Cup Asian Qualifiers

Gilas  reresbak sa New Zealand

DUMATING na sa New Zealand ang Gilas Pilipinas nung Martes ng hapon para sa magiging …

Jeron Artest Ron Artest

Anak ni ex-NBA star Artest interesadong maglaro sa Gilas

MANILA, Philippines — Sinabi ni NBA champion Metta Sandiford-Artest, dating kilala sa pangalang Ron Artest …

chess

Llavanes, Mayor magtatangka sa top honor sa Bicol Online Grandprix Chess Tournament

MANILA–Magtatangka sina National Master Ronald Llavanes at Dr. Jenny Mayor kasama sina Jeffrey Vegas, Jesurie …

Chess

Chess player bida rin sa kanyang obra maestra

MANILA–Nakikilala na sa mundo ng sining ng  pagpipinta ang chess player na si Bb. Jennie …

Leave a Reply