Friday , March 29 2024

Kai Sotto simula na sa ensayo

UUMPISAHAN na ni Kai Sotto ang kanyang ensayo sa pagli­pad sa US ngayon para sa dalawang buwang pagsasanay na bahagi ng kanyang misyon na makatapak sa National Basketball Association (NBA).

Sa Atlanta, Georgia ang unang destinasyon ng 7’2 Filipino teen sensation na sasailalim siya sa puspusang body strengthening at con­ditioning sa loob ng dalawang buwan sa ilalim ng East West Private Agency.

Inilinaw ng ama ni Kai na si Ervin na bagamat patulak sila sa US ay hindi pa rin ito ang kanilang pinal na destinasyon bagkus ang Europa pa rin.

Sa ngayon ay nasa mesa pa rin ang international offers kay Sotto mula sa clubs na Barce­lona, Baskonia, Estu­diantes at Real Madrid mula sa Spain gayundin ng ALBA Berlin mula naman sa Germany.

“There’s no plan to play in US. Europe is still the number one option,” ani Ervin.

Bagamat nauna na sina Kai at Ervin sa US, inaasahang susunod sa kanila ang ina na si Pamela gayundin ang mga kapatid ni Kai sa darating na Mayo.

Inaasahang babalik sa bansa ang pamilya Sotto sa Hunyo kung kailan niya iaanunsiyo kung saang Europe club ipagpapatuloy ang paglalaro.

Bago naman magdesisyon, maglalaro muna si Kai sa Batang Gilas na isa aniya sa kanyang mga responsibilidad sa bayan kapantay ang personal na pangarap na makarating sa NBA.

Inaasahang lalong malakas at mas malaki na ang maitu­tulong ni Kai sa panahong iyon kung kailan sasalang ang Batang Gilas sa FIBA U19 World Cup na magaganap mula  29 Hunyo hanggang 7 Hulyo.

ni John Bryan Ulanday

About John Bryan Ulanday

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *