Thursday , July 7 2022

Starstruck survivor arestado sa hit & run

ARESTADO ang Filipino-Australian singer actor sa isang tele­vision net­work mata­pos mabundol ang dala­wang empleyado ng Metro­politan Manila Develop­ment Authority (MMDA) sa Makati City kama­kalawa ng gabi.

Nahaharap sa kasong reckless imprudence re­sul­ting in physical injuries and damage to pro­perty si Starstruck Ulti­mate Survivor Douglas Errol Dreyfus Adecer, mas kilala sa kanyang screen name na Migo Adecer, 19 anyos.

Nagpapagamot sa Ospital ng Makati ang mga  biktimang sina Rogelio Castillano at Michellene Papin, kapwa nasa hustong gulang.

Base sa report na nakarating kay Makati City Police chief, S/Supt. Rogelio Simon, naganap ang insidente dakong 6:00 pm kamakalawa sa panulukan ng JP Rizal Avenue at Pertierra St., Bgy. Poblacion.

Sakay ng sports car si Adecer, nang harangin ng mga traffic enforcer dahil sa traffic violation at amoy alak.

Itinapon lang umano ni Adecer ang violation ticket na inisyu dahil sa reckless driving, hindi ibinigay ang kanyang lisensiya saka nagpatuloy sa pagmamaneho.

Nang sumapit sa naturang lugar, nahagip biya ang mga biktimang sina Papin at Castillano habang sakay naman sila ng motorsiklo.

Hindi  pa rin umano huminto ng aktor at nagpatuloy sa pagharurot ang kanyang sasakyan.

Nasakote ang aktor nang respondehan ng mga traffic enforcer at nagtangka pang tumakas kaya nahagip rin   ang isa pang police mobile.

Depensa ng abogado ng aktor na si Atty. Marie Glen Gardoque, hindi aniya alam ng kanyang kliyente na nahagip niya ang dalawang MMDA personnel habang nag­mamaneho.

 (JAJA GARCIA)

About Jaja Garcia

Check Also

Bongbong Marcos BBM Mark Lapid Tanya Garcia

Mark T. Lapid itinalagang COO ng TIEZA

MULING itinalaga bilang Chief Operating Officer (COO) ng Tourism Infrastructure and Enterprise Authority (TIEZA) si …

Ambeth Ocampo Ella Cruz

Pinoy historian umentra sa pasabog ni Ella

HATAWANni Ed de Leon ANG lakas ng tawa namin nang makita sa isang social media …

Tirso Cruz III Johnny Revilla Bongbong Marcos BBM

Tirso Cruz III bagong FDCP chair, Johnny Revilla sa MTRCB

UMAGA pa lang kahapon, July 5 umugong na ang balitang pinalitan na si Liza Dino Seguerra bilang Film …

Ops kontra sugal ikinasa 6 SUGAROL NASAKOTE SA CALAMBA, LAGUNA Boy Palatino

Ops kontra sugal ikinasa
6 SUGAROL NASAKOTE SA CALAMBA, LAGUNA

NASUKOL ng mga awtoridad ang anim na indibiduwal na sangkot sa ilegal na pagsusugal sa …

arrest, posas, fingerprints

Wanted sa murder
LIDER NG GUN-FOR-HIRE GROUP ARESTADO

NADAKIP ng mga awtoridad ang isang lalaking wanted sa kasong murder at sinasabing lider ng …

Leave a Reply