Tuesday , July 5 2022

NDF consultant misis, 1 pa arestado (May patong na P7.8-M sa ulo)

ISA pang consultant ng National Democratic Front (NDF)  kasama ang kanyang asawa na mataas na opisyal din ng Communist Party of the Philippines (CPP) ang inaresto sa bayan ng Liliw, sa lalawigan ng Laguna.

Iniulat ng pulisya na dinakip nila si Francisco “Frank” Fernandez, 71 anyos, spokesperson ng NDF sa Negros.

Pang-anim si Fernan­dez sa 23 miyembro ng NDF peace panel na ina­resto simula nang ipatigil ni Pangulong Duterto ang usaping pangka­paya­paan noong 2017.

Kasamang naaresto ni Fernandez ang kaniyang asawa na si Cleofe Lag­tapon, 66 anyos, na nabatid na nagsilbing regional deputy secretary for communications and for education ng NDF sa Negros, Cebu, Bohol, at Siquijor.

Kabilang din sa mga nadakip si Gee-Ann Perez, 20 anyos, at hinihanalang staff ng NDF sa parehong rehiyon.

Ayon kay S/Supt. Eleazar Matta, director ng Laguna police, isinilbi nila ang warrant of arrest na inisyu ni Judge Renato Muñoz ng 6th Judicial Regional Trial Court Branch 60 sa lungsod ng Cadiz.

Nitong Linggo, 24 Marso, dakong 5:00 am, nadiskubre ng pinag­sanib-puwersa ng pulisya at mga sundalo ang tatlong kalibre .45 baril, tatlong granada, at iba pang armas sa bahay na tinitirahan ni Fernandez sa Barangay Calumpang, boundary ng mga bayan ng Liliw at Nagcarlan, sa lalawigan ng Laguna.

Ayon sa tala ng pu­lisya, kasama sa top most wanted persons sina Fernandez at Lagtapon na may mataas na po­sisyon sa Communist Party of the Philippines (CPP).

Noong 2016, nag­deklara ng P7.8 milyong pabuya ang military upang masakote si Fernandez.

HATAW News Team

About hataw tabloid

Check Also

Arjo Atayde

Arjo 6 batas inihain agad pagka-upo sa Kongreso

MA at PAni Rommel Placente SA pagsisimula ng kanyang trabaho bilang Congressman ng 1st District …

Malacañan

Family affair sa Palasyo
PARTY NG FIRST FAMILY ‘DI PERA NG GOBYERNO

WALANG gagamiting pondo ng bayan sa anomang party na idaraos ng First Family sa Malacañang, …

Bongbong Marcos BBM Imee Marcos

Sa pag-veto sa HB 7575
IMEE DESMAYADO
Pinagsasabong kaming magkapatid

ITO ang reaksiyon ni Senadora Imee Marcos matapos i-veto ng ni Pangulong Ferdinand Marcos, Jr., …

Bulacan Airport Special Economic Zone

Konstruksiyon ng airport sa Bulacan tuloy — Salceda

SA KABILA ng pag-veto ni Pangulong Ferdinand Marcos, Jr., sa House Bill 7575, tiniyak ni …

Ramon Zagala PSG Bongbong Marcos BBM

Non-PMAyer, DLSU PolSci graduate
UNANG PSG COMMANDER ITINALAGA NI MARCOS, JR

HINDI graduate ng Philippine Military Academy (PMA), sa halip ay sa De La Salle University …

Leave a Reply