Saturday , July 2 2022

PSA sa Parañaque pinasok ng kawatan

PINASOK ng mga kawa­tan ang opisina ng Express Lane Office (ELO) ng Philippine Statistics Authority (PSA) sa Parañaque City hall at tinangay ang P132,000 ang halaga ng mga gad­gets, cash at iba pang gamit kamakalawa nang hapon.

Sinabi ni Parañaque police chief S/Supt. Rogelio Rosales, nadis­kubre ang pagnanakaw, dakong 1:00 pm nang bumalik ang mga emple­yado na nakatalaga sa ELO Room 302, 3rd floor, Old Legislative Bldg.

Sa ulat, sinabing pabalik mula sa tangha­lian sa labas ang mga empleyado nang madis­kubreng sinira ang pad­lock ng main door ng nasbaing opisina.

Nang pumasok sa loob si ELO operations manager Ronald Angelo Salas, 48, nalaman niya na dalawang yunit ng Ideapad laptop, nagka­kahalaga ng P30,000 bawat isa, at isang Xperia cellular phone na may halagang P12,000 ang nawawala.

Nawalan rin ng cellular phone ang isa sa mga biktima na si John Carl Edcel Manuel, 21 anyos, isang programmer na nagkakahalaga ng P12,000, at P2,000 cash habang ang isa na si Reygie Vasquez, 21, office staff, ay nawalan umano ng backpack na nagla­laman ng mga personal na gamit.

Maging ang LED implementer Project ELO na si Kennard Cabague, 21, ay nawalan rin umano ng wallet na may lamang P1,000 cash at si Kenjie Salas, 30, information technology staff ay nawalan ng wallet na may lamang importanteng dokumento at mga identification cards gaya ng driver’s license, ATM Cards at P4,000 cash.

Agad nagsagawa ng follow-up operation ang mga awtoridad  para malaman kung sino ang suspek na naglakas-loob na pumasok sa tangga­pan ng ELO.

Bukod dito, bubu­sisiin din ng pulisya ang nakalagay na close circuit television (CCTV) camera sa nasabing gusali kung nahagip ang insi­dente para sa pagkaki­lanlan ng mga suspek.

(JAJA GARCIA)

About Jaja Garcia

Check Also

Lani Cayetano Alan Peter Cayetano Taguig 1

Panunumpa sa tungkulin sa Taguig City

MASAYANG nanumpa si Taguig City Mayor Lani Cayetano kay Hon. Judge Antonio Olivete sa pormal …

Ruffy Biazon Muntinlupa oathtaking 1

PORMAL na nanumpa ang bagong chief executive ng Muntinlupa City

PORMAL na nanumpa ang bagong chief executive ng Muntinlupa City na si Mayor-elect Ruffy Biazon …

Mel Aguilar April Aguilar Las Piñas Feat

Mel at April Aguilar nanumpa sa kanilang tungkulin si Las Piñas City

SABAY na nanumpa sa kanilang tungkulin si Las Piñas City Mayor Imelda “Mel” Aguilar at …

Para sa surgical mission sa Bohol Eye doctors inilipad ng Cebu Pacific

Para sa surgical mission sa Bohol Eye doctors inilipad ng Cebu Pacific

INIHATID ng Cebu Pacific Air sa lungsod ng Tagbilaran, sa lalawigan ng Bohol noong nakaraang …

Bongbong Marcos BBM

Pagbasura sa DQ kay Marcos ‘di nakapagtataka – Makabayan

HINDI, umano, nakapagtataka ang desisyon ng Korte Suprema na ibasura ang mga petisyon na idiskalipika …

Leave a Reply