Saturday , May 21 2022

Arjo Atayde lalamunin ng katiwalian bilang “Bagman” sa iWant, action drama series ikinompara sa Hollywood series sa Netflex

SUSUUNGIN ng streaming service na iWant ang masukal na mundo ng politika at mga maka­pang­yarihang tao sa bagong original series nitong “Bagman” na magsisimula nang mapanood sa 20 Marso.

Bibida sa socio-political action drama series si Arjo, isang ordinary ngunit madiskarteng barbero na kumakayod para sa pamilya. Dahil sa road-widening project ng munisipyo, nanganganib na ma-demolish ang sarili niyang barber shop na pinagkukuhaan niya ng pang-araw-araw na kita.

Dahil buntis ang asawa, papayag si Benjo na gawin ang isang maliit na misyon para maisalba ang kanyang barbershop.

Para kumita ng karagdagang pera, papayag siyang maging bagsakan ang barber shop ng mga kahina-hinalang transaksiyong maaaring magpahamak sa buhay niya.

Hindi kalaunan ay masisilaw si Benjo sa pera at kapangyarihan at pagsisilbihan ang gobernador ng kanilang probinsiya bilang “bagman.”

Simula rito, unti-unting tatalikuran ni Benjo ang kinasanayang buhay at sariling paninindigan upang ilakad ang iba’t ibang transaksiyon ng kanyang among politiko.

Sa pagkakalublob niya sa magulong mundo na puno ng kasinungalingan at katiwalian, makakabangga ni Benjo ang iba’t ibang tao at institusyon. Ngunit makakawala pa kaya siya mula rito?

Ipinrodyus ng Dreamscape Digital at Rein Entertainment ang “Bagman” tampok si Arjo kasama sina Alan Paule, Yayo Aguila, Chanel Latorre, at Raymond Bagatsing.

Ang 12-part series na ito ay isinulat at idinirek ni Shugo Praico, at nilikha nina Lino Cayetano, Philip King, at Shugo.

Ang unang anim na episodes nito ay magiging available sa iWant nang libre simula 20 Marso. Tatlong episodes ang mapapanood sa 27 Marso, at ang huling tatlong episodes naman sa 3 Abril.

Mula sa paggawa ng mga teleserye sa telebisyon na minahal at tinutukan ng mga Filipino, panibagong yugto sa pagbibigay ng mga de-kalibreng pelikula ang tatahakin ng Dream­scape Entertainment sa Dreamscape Digital, ang nasa likod ng trending movie na “Glorious,” romantic dramas na “The Gift” at “Apple of My Eye,” at ang edgy series na “Project Feb. 14.”

Panoorin ang “Bagman” nang libre simula 20 Marso sa iWant sa iOS o Android apps o sa web browser sa iwant.ph.

Mas maraming manonood ang makapag-e-enjoy sa latest offerings ng iWant dahil maaari na itong i-connect sa TV gamit ang Chromecast at Apple Airplay.

Ang iWant ay kabilang sa digital initiatives ng ABS-CBN na nagpapatunay sa patuloy nitong transition bilang isang digital company dahil sa patuloy na paglawak ng online presence nito at pagdami ng digital properties.

Para sa updates, i-like ang www.facebook.com/iWant, i-follow @iwant sa Twitter at @iwantofficial at @dreamscapedigital sa Instagram, at mag-subscribe sa www.youtube.com/iWantPH.

VONGGANG CHIKA!
ni Peter Ledesma

About Peter Ledesma

Check Also

052022 Hataw Frontpage

Exclusive!
PAUL SORIANO BAGONG PALACE EXECUTIVE

ni ROSE NOVENARIO MAISASALBA na ang karerang muntik lumubog ni multi-awarded film director at mister …

Kris Aquino

Kris sinupalpal mga nagpapakalat na agaw buhay na siya

PABONGGAHANni Glen P. Sibonga NAGPAABOT ng mensahe ng pagmamahal, pagdarasal, at mabilis na paggaling kay Kris …

Ejay Falcon Rhea Tan Beautederm Jana Roxas

Pagkapanalo ni Ejay ikina-proud ni Beautederm CEO Rhea Tan 

PABONGGAHANni Glen P. Sibonga PROUD ate si Beautederm CEO and President Rhea Anicoche Tan sa itinuturing niyang …

Sharon Cuneta Regine Velasquez

Friendship nina Sharon at Regine bumilang na ng maraming taon

MA at PAni Rommel Placente SA isang interview ni Sharon Cuneta, ibinahagi niya kung bakit bumibilang …

Heart Evangelista

Heart nagpakatotoo inaming nakipag-one night stand

MA at PAni Rommel Placente NAKATUTUWA naman si Heart Evangelista.  Game na game kasi siya na …

One comment

  1. This paragraph will help the internet visitors for setting up new webpage or even a weblog from start to end.

Leave a Reply