Thursday , July 7 2022

Galing nina Teddy at Calleja sa komedya, hahatulan sa Papa Pogi

NAINTRIGA raw ang netizens kaya naka-9 million views agad ang trailer ng pelikula ni Teddy Corpuz, ang Papa Pogi mula Regal Entertainment, Inc., na mapapanood na sa March 20.

Unang pelikula kasi ito ni Teddy na bago nga naman sa netizens. Pero ang pagpapatawa ay hindi na bago sa vocalist ng Rocksteddy dahil ginagawa na niya iyon sa It’s Showtime. Pero ang iarte ang pagpapatawa, ‘yun ang huhusgahan sa kanya. Itong Papa Pogi ang magsasabi kung pwede nga ba siyang maihanay o maisama sa mga comic actor natin ngayon.

Espesyal para kay Teddy ang pelikula dahil kasama niya ang iba pang makukulit na sina Myrtle Sarrosa at Donna Cariaga. “Plus samahan mo pa ng baliw na script,” sambit ng bokalista. “We believe maganda ‘yung movie na ito na steady laughter trip na magugustuhan ng madlang people.”

Ang istorya ng Papa Pogi ay iikot sa ama ni Teddy, si Joey Marquez, na isinumpa ng isang chaka girl. Ang sumpa, magkakaanak siya ng puro pangit kapag nag-asawa ng magandang babae. Ang inaasahan lang ng pamilya na makapuputol ng sumpa ay si Teddy na kailangang makapag-asawa ng chaka girl, ang character ni Donna.

Bale first movie ito nina Teddy at Donna at ganoon na lamang ang pasasalamat ng huli sa break na ibinigay sa kanya. ”Nagpapasalamat ako naging bida ako sa film dahil gusto ko talaga magpatawa. Sana bigyan nila ako ng chance,” sambit ng Funny One Grand Champion.

First directorial job din ito ni Calleja na kilala bilang stand-up comedian, host, actor, dating creative consultant ng It’s Showtime, isa sa writer ng Goin’ Bulilit, Funny Ka Pare Ko, at radio jock sa Boys Night Out ng Magic 89.9.

Kinilala na ang galing ni Calleja sa pagpapatawa. In fact, naging 1st runner-up siya sa Laugh Factory’s Funniest Person in the World 2016 at Best Stand-Up Comedian Aliw Awards 2017 kaya ‘wag magtaas ng kilay kung nabigyan siya ng chance ng Regal para magdirehe ng pelikula.

Ani Calleja, nararapat na tumuklas ng mga bagong komedyante kaya tamang-tama ang ibinigay na break ng Regal kay Teddy.

SHOWBIZ KONEK
ni Maricris Valdez Nicasio

About Maricris Valdez Nicasio

Check Also

Tirso Cruz III Johnny Revilla Bongbong Marcos BBM

Tirso Cruz III bagong FDCP chair, Johnny Revilla sa MTRCB

UMAGA pa lang kahapon, July 5 umugong na ang balitang pinalitan na si Liza Dino Seguerra bilang Film …

Euriz Sagum John Rey Malto

Euriz Sagum, handa na sa mundo ng showbiz

ALAM MO NA!ni Nonie Nicasio SI Euriz Sagum ay 18 taong gulang at kasalukuyang gumagawa …

Harlene Budol Hipon Girl

Nicole Budol ginawang inspirasyon mga natatanggap na panglalait

MA at PAni Rommel Placente ISA si Nicole Budol, na mas kilala bilang si Hipon, na isang …

Arjo Atayde Sylvia Sanchez

Sylvia kay Arjo — Iba ka manindigan

PUNUMPUNO ng emosyon at pagmamahal ang post sa kanyang Facebook ang super proud mom na si Sylvia Sanchez sa …

AJ Raval

AJ ‘di buntis, flat tummy ipinagmalaki

MA at PAni Rommel Placente IBINANDERA ng sexy star na si AJ Raval sa kanyang Instagram account ang picture …

Leave a Reply