Saturday , July 2 2022
Mike Magat
Mike Magat

Mike Magat thankful sa kaliwa’t kanang projects, talent manager na rin

PATULOY sa paghataw ang showbiz career ni Mike Magat. Bukod sa pagiging artista, direktor na rin siya ngayon at nagsimula na rin mag-manage ng talents.

Kabilang sa katata­pos niyang gawin ang short film na 10 Seconds na tinatampukan nila ng ex-PBB Housemate na si Tori Garcia. Ang isa pa ay The Camera, isang horror-suspense movie.

“Possible na isali ko ito sa festival sa New York, pero puwedeng maging entry din sa ibang film festivals, pati rito sa Filipinas,” saad ni Direk Mike.

Tinatapos na rin niya ngayon ang pinag­bibida­hang pelikula titled Turista, na ang shooting ay sa iba’t ibang bansa tulad ng Japan, Amerika, Korea, at iba pa. Kabi­lang sa plano niyang gawin ang Katorse (Millennial) at Love is Blind. Ang huli ay isang RomCom na ang idea ay nakuha raw niya sa pinaghalong movie na Kita Kita nina Empoy Marquez at Alessandra de Rossi at sa patok na Netflix film na Bird Box ni Sandra Bullock.

Ang dalawang nakakontratang talent ngayon kay Direk Mike sa ilalim ng kanyang sariling movie company na Sonza Entertainment Productions (SEP) ay sina Naya Amore at Kyla Pauline.

Si Naya ay tampok sa pelikulang The Camera, samantala si Kyla ay magbibida naman sa Katorse (Millennial).

Nabanggit ni Direk Mike ang ukol sa kanyang pagve-venture bilang talent manager.

“Oo, kasi sa akin ay sayang naman… dahil gumagawa na rin ako ng pelikula, naghahanap tayo ng artista, hindi ba? So, bakit hindi tayo magkaroon ng sariling artista na rin. Para maka­tu­long din tayo sa mga kabataan na nanga­nga­rap, para matupad natin ang mga pangarap nila.

“Kaya lang sa akin, ang gusto ko lang mangyari sana, iyong mga gustong mag-artista ay matuto rin silang sumunod, kung ano iyong rules sa pag-aartsita, ano iyong patakaran sa showbiz, na kung ano ang itinuturo mo ay tandaan nila at intindihin nila. Kasi kung mag-aartista para lang… gustong maglaro or para magka-experience, sayang lang ang pana­hon. Kaya dini-dis­courage ko na sila, ayaw kong maging talent ang mga pasaway, e,” seryosong sambit ng aktor-direktor.

Anyway, may special participation din si Direk Mike sa TV series na Sahaya ng GMA-7 na tinatampukan nina Bianca Umali at Miguel Tanfelix. Sunod-sunod din ang project ni Direk Mike sa Kapuso Network, kaya naman sobrang nagpapasalamat siya sa GMA-7.

ALAM MO NA!
ni Nonie Nicasio

About Nonie Nicasio

Check Also

Kris Aquino Josh Bimby

Mag-iinang Kris, Josh, at Bimby nagpositibo sa Covid

SHOWBIZ KONEKni Maricris Valdez Nicasio INIHAYAG ni Kris Aquino na nagpositibo siya gayundin ang mga …

Dennis Padilla Leon Barretto Padilla

Emosyon ni Dennis ibinuhos sa sulat sa anak

MATABILni John Fontanilla PUNUMPUNO ng emosyon ang liham ni Dennis Padilla sa kanyang anak na lalaki kay Marjorie …

JC Santos Rhea Tan Shyleena Herrera Beautéderm BeautéHaus

Misis ni JC never pinagselosan si Bela

SHOWBIZ KONEKni Maricris Valdez Nicasio NAKABIBILIB ang ugali ng misis ni JC Santos tungo sa pagkakaroon ng …

John Lloyd Cruz Isabel Santos

Isabel Santos dinalhan ng cake si Lloydie

I-FLEXni Jun Nardo LUMANTAD na ang rumored girlfriend ni John  Lloyd Cruz na si Isabel Santos. Umapir si …

Isko Moreno Joaquin Domagoso

Yorme Isko lolo na 

I-FLEXni Jun Nardo WALANG sagot sa text namin si Daddie Wowie Roxas, manager ni Kapuso actor Joaquin …

Leave a Reply