Friday , March 29 2024

Cristine, mahusay makipagsapakan; liksi sa martial arts at combat knife, nakabibilib

MAHILIG kami sa action movies. Katunayan, may mga DVD collection kami nito at isa sa paborito namin ay ang Kill Bill movie series ni Uma Thurman at John Wick series ni Keanu Reeves.

Binanggit namin ang mga pelikulang ito dahil hawig sa kuwento ng pelikulang Maria ni Cristine Reyes ang mga ito at kung paano nakipagsapakan ang aktres.

Dating miyembro ng sindikado si Cristine at gustong magbagong buhay pero ayaw siyang pakawalan kaya nagpanggap na lang siyang patay na bilang si Lily.

Sa panibagong buhay ay siya na si Maria at patay na si Lily, pero hindi siya hinayaang mabuhay ng payapa at maayos dahil hina-hunting siya ng nakaraan niya at gusto siyang patayin ng ex-boyfriend niyang si Ivan Padilla o Kaleb na anak ng pinuno ng sindikato.

Pinatay ni Ivan ang mag-ama ni Cristine at dito na naghiganti ang aktres at isa-isa niyang binalikan ang mga dating kasamahan sa sindikato.

Napabilib kami ni AA (tawag sa aktres) sa husay niya sa mixed martial arts, sa paghawak ng rifle, kalibre 45, at combat knife. Ang liksi-liksi ni Cristine bagay na ang layo sa mga karakter na nagawa niya noon sa mga pelikulang nagawa niya.

Napapangiwi kami sa mga eksena dahil ang tindi ni Direk Pedring Lopez na close range ang pagbaril sa mga kalaban na sumasabog ang utak at kita ang mga dugo.

As of this writing ay hindi pa nari-review ng MTRCB ang Maria kaya curious kami kung anong rating ang ibibigay sa unang action movie ni Cristine mula sa Viva Films.

Graded B naman ang ibinigay ng Cinema Evaluation Board.

May nag-post na sana pagsamahin sa iisang pelikula ang mga aktres na gumawa na ng action tulad nina Erich Gonzales (We Will Not Die Tonight) at Anne Curtis Smith-Heusaff (Buy Bust) na mala-Charlie’s Angels.

Anyway, mapapa­nood na ang Maria sa Marso 27 handog ng Viva Films mula sa direksiyon ng malupit na si Lopez na siya ring sumulat kasama sina Yz Carbonell at Rex Lopez.

FACT SHEET
ni Reggee Bonoan

About Reggee Bonoan

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *