Wednesday , July 6 2022
Janah Zaplan
Janah Zaplan

Janah Zaplan, inihahanda na ang 3rd single

INIHAHANDA na ang third single ng talented na recording artist na si Janah Zaplan. Ito ay pinamagatang More Than That na komposisyon ni Paulo Zarate.

Sa ngayon, ang dalawa niyang naunang single na Di Ko Na Kaya at Mahal Na Kita ay kapwa available sa iTunes, Spotify, Youtube, Deezer, at Amazon.

Kuwento ni Janah, “Iyong song po, it’s about sharing to people na may iba pa sa iyo about sa sarili niya po, na hindi lang ako basta-basta… na mayroon pa po akong kayang maipakita at maibigay sa mga tao.”

Idinagdag ni Janah na ang latest single niya ay isang inspi­rational song na makare-relate ang lahat.

Nasabi rin ni Janah na balak siyang i-relaunch bilang singer ngayong summer dahil sa kanyang lalabas na bagong single.

Si Janah ay 16 years old at Grade 11 student sa O.B. Montessori, Sta. Ana. Isa siyang volleyball player, in fact siya ang captain ball ng kanilang varsity team.

Nag-start siya sa showbiz nang pumasok sa Eat Bulaga’s Music Hero, na siya ay naging semi finalist. Pero ayon sa da­lagita, four years old pa lang daw siya ay sumasabak na siya sa pagkanta noon.

Nabanggit niya ang concert ni Jasmien Henry na guest siya. “Bukod sa upcoming single ko po, guest din po ako sa concert ni Jasmine Henry next month. Ang title po ay The Journey Begins concert ni Jasmine na gaganapin sa SM Skydome sa April 26, 8 pm,” aniya.

Bukod kay Janah, kabilang sa special guest dito sina Dingdong Avanzado, AC Bonifacio, at iba pa.

Ayon pa sa dalagitang binansagang Millennial Pop Princess, kung mabibigyan ng pagkakataon ay gusto rin niyang sumabak sa pag-arte. Wish daw niyang makasama ang mga sikat na love teams na tulad ng KathNiel, Liz­Quen o JoshLia, dahil sobrang mga idol niya raw at parang ang saya na makipagtrabaho sa kanila.

Sa nga veteran stars naman daw, sina Vilma Santos at Maricel Soriano ang dream niyang makatrabaho.

“Basta po ‘yung magagagaling na artista, pero to be honest, kahit sino po is fine with me. Gusto ko po kasi sanang ma-experience lahat, hehehe, ang taas ng pangarap, e,” nakangiting saad niya.

Ipinahayag ni Janah na gusto niyang pagsabayin ang singing at acting kung mabibigyan siya ng pagkakataon.

ALAM MO NA!
ni Nonie Nicasio

About Nonie Nicasio

Check Also

AJ Raval

AJ ‘di buntis, flat tummy ipinagmalaki

MA at PAni Rommel Placente IBINANDERA ng sexy star na si AJ Raval sa kanyang Instagram account ang picture …

Arjo Atayde

Arjo 6 batas inihain agad pagka-upo sa Kongreso

MA at PAni Rommel Placente SA pagsisimula ng kanyang trabaho bilang Congressman ng 1st District …

Cristy Fermin Toni Gonzaga

Cristy ipinagtanggol si Toni Lupang Hinirang maayos na nakanta

MATABILni John Fontanilla DINEPENSAHAN  ni Cristy Fermin si Toni Gonzaga sa mga taong nanlalait kaugnay sa pag-awit nito ng Lupang …

Jake Zyrus Charice Pempenco

Jake Zyrus deadma sa ina sa kanyang Transman Journey

MATABILni John Fontanilla PALAISIPAN sa mga netizen ang hindi pagkakabanggit ni Jake Zyrus sa kanyang ina sa …

Geneva Cruz

Geneva sa tumawag ng trying hard— It’s a reflection of how bad you feel about yourself

MA at PAni Rommel Placente PINATULAN ni Geneva Cruz ang isang netizen na tumawag sa kanya ng …

Leave a Reply